ନୂଆପଡା ଉପନିର୍ବାଚନର ପ୍ରଚାର ପ୍ରସାରରେ ଆମ ଫଟୋ ନ୍ୟୁଜ ଟାଇମ୍ସର ଗ୍ରାଉଣ୍ଡ ଜିରୋରୁ ସଂଗ୍ରହ କରାଯାଇଥିବା ରିପୋର୍ଟ ଅନୁଯାୟୀ ବିଜେପି,ବିଜେଡି ଏବଂ କଂଗ୍ରେସ ସେମାନଙ୍କର ନିର୍ବାଚନ ପ୍ରଚାର ଧୂମଧାମରେ ଚଳାଇଛନ୍ତି। ଦଳୀୟ ପାର୍ଥିମାନେ ପ୍ରତ୍ୟକ ପଞ୍ଚାୟତକୁ ଯାଇ ଭୋଟର ମାନଙ୍କୁ ଭେଟୁଛନ୍ତି। ନୂଆପଡା ଜିଲ୍ଲାରେ କୋମନା ବ୍ଲକର ୩୧ଟି ପଞ୍ଚାୟତରେ ବିଜେଡ଼ି ସେମାନଙ୍କର ପୂର୍ବତନ ଏମଏଲଏ, ନିର୍ବାଚନ ଜିତିଥିବା ବିଧାୟକ ଏବଂ ଉକ୍ତ ଅଞ୍ଚଳରେ ବିଜେଡି ନେତାମାନଙ୍କୁ ନେଇ ପଞ୍ଚାୟତ ସ୍ତରରେ ସଂଗଠିତ ଭାବେ ବିଜେଡିର ପ୍ରଚାର ପ୍ରସାର ଚଳାଇଛନ୍ତି। ବିଜେଡିର ସଫଳତାକୁ ଲୋକଲୋଚନକୁ ଆଣୁଛନ୍ତି।
ବାସ୍ତବ କ୍ଷେତ୍ରରେ ଏହା ଭୋଟର ମାନଙ୍କ ଭୋଟକୁ ଭୋଟ ବାକ୍ସ ପର୍ଯ୍ୟନ୍ତ ଆଣିବା ସମ୍ଭାବନାକୁ ଏଡାଇ ଦିଆଯାଇନପାରେ। ଏହି ପଞ୍ଚାୟତ ସ୍ତରୀୟ ପରିଚାଳନାରେ କିନ୍ତୁ ବିଜେପି ପଛରେ ଅଛି। ବିଜେପିର ଖରିୟାର ରୋଡ ଓ ନୂଆପଡା ପାର୍ଟି ଅଫିସରେ କର୍ମୀ ନେତା ବିଧାୟକ ମାନଙ୍କର ପ୍ରବଳ ଭିଡ଼। କିନ୍ତୁ ବିଜେଡିରେ ଏଭଳି ଦେଖିବାକୁ ମିଳୁନାହିଁ। ବିଜେପି ଦଳ ଏକ ପ୍ରକାର ଓଭର କନଫିଡେଣ୍ଟ ମୁଡ଼ରେ ଅଛନ୍ତି। ଆସନ୍ତୁ ଶୁଣିବା ଶାସକ ଦଳର ମନ୍ତ୍ରୀ ଗୋକୁଳା ନନ୍ଦ ମଲ୍ଲିକ ଆମ କ୍ୟାମେରା ଟିମକୁ ଦେଇଥିବା ମତ ଓ ମନ୍ତବ୍ୟ। ବିଜେପିର ପୂର୍ବତନ ମନ୍ତ୍ରୀ ରୋହିତ ପୂଜାରୀ ତାଙ୍କ ମନ୍ତ ଓ ମନ୍ତବ୍ୟରେ କହିଛନ୍ତି ଯେ ରାଜେନ୍ଦ୍ର ଢୋଲକିୟା ହେଉଛନ୍ତି ବିଜେଡିର ନେତା। ସେ ନୂଆପଡାର ଉନତି ବିଜେଡ଼ି ଦଳ ସହିତ ରହି କରିଛନ୍ତି। ବାସ୍ତବ କ୍ଷେତ୍ରରେ ସ୍ୱର୍ଗତ ରାଜେନ୍ଦ୍ର ଢୋଲକିୟା ପ୍ରଥମଥର ପାଇଁ ସ୍ୱାଧୀନ ପାର୍ଥି ଭାବେ ଜୟ ଯୁକ୍ତ ହୋଇଥିଲେ।
ପରବର୍ତୀ ସମୟରେ ବିଜେଡିକୁ ନୂଆପଡାର ସ୍ୱାର୍ଥ ପାଇଁ ଲମ୍ଫ ମାରିଥିଲେ। ଏବେ ଜୟ ଢୋଲକିୟା କହୁଛନ୍ତି ସେ ମଧ୍ୟ ନୂଆପଡାର ସ୍ୱାର୍ଥପାଇଁ ବିଜେପିରେ ସାମିଲ ହୋଇଛନ୍ତି। ଆସନ୍ତୁ ଶୁଣିବା ବିଜେଡିର ପୂର୍ବତନ ମନ୍ତ୍ରୀ ରୋହିତ ପୂଜାରୀଙ୍କ ବକ୍ତବ୍ୟକୁ। କଂଗ୍ରେସ ଦଳ ତାଙ୍କର ଗୋଟିଏ ଏକ ପାଖିଆ ଚିନ୍ତାଧାରାରେ ଦଳ ପାଇଁ ପ୍ରଚାର ଚଳାଇଛନ୍ତି। ସେମାନଙ୍କ ଇକୁ୍ୱେଷନ ହେଉଛି ଘାସିରାମଙ୍କ ଭୋଟ, କଂଗ୍ରେସର ଭୋଟ, ବିଦ୍ରୋହି ବିଜେପି ଏବଂ ବିଦ୍ରୋହୀ ବିଜେଡ଼ିର ଭୋଟକୁ ନେଇ କଂଗ୍ରେସ ଜିତିବ। ଆସନ୍ତୁ ଶୁଣିବା କଂଗ୍ରେସର ପୂର୍ବତନ ବିଧାୟକ ସନ୍ତୋଷ ସିଂ ସାଲୁଜାଙ୍କ ମତ ଓ ମନ୍ତବ୍ୟକୁ। ଆମ କ୍ୟାମେରା ଟିମ ନୂଆପଡାର ବିଜେଡି ଦଳ ନେତା ଭୀଷ୍ମଦେବ ସରାଫଙ୍କ ମତ ଓ ମନ୍ତବ୍ୟକୁ ସଂଗୃହିତ କରିଛି। ଆସନ୍ତୁ ଶୁଣିବା ସେ କଣ କହୁଛନ୍ତି।
ନୂଆପଡ଼ାରୁ ଗିରିଧାରୀ ଲାଲ ଷଡ଼ଙ୍ଗୀଙ୍କ ରିପୋର୍ଟ, ଫଟୋ ନ୍ୟୁଜ ଟାଇମସ।
