କଂଗ୍ରେସ ଦଳର ଟାର୍ଗେଟ ହେଉଛନ୍ତି ବିଦ୍ୟାଳୟ, ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟର ଛାତ୍ରଛାତ୍ରୀ ମାନେ ସେମାନଙ୍କର ସୁବିଧା ଏବ୍ଂ ଆବଶ୍ୟକତାକୁ ମୁର୍ଦାକରି ଏବେ ସରକାରଙ୍କୁ ଟାର୍ଗେଟ କରୁଅଛି। ପ୍ରତେକ ଜିଲ୍ଲାରୁ ଏହି କାର୍ଯ୍ୟକ୍ରମ ଆରମ୍ଭ କରି ରାଜ୍ୟରେ ଚହଳ ପକାଇବା ପାଇଁ ପ୍ରସ୍ତୁତି କରୁଅଛି। ଏହା ହେଉଛି ଆମ ନ୍ୟୁଜ ସେଗମେଣ୍ଟ “ସରକାର ସଚେତନ ହୁଅ”।
ଛାତ୍ରଛାତ୍ରୀଙ୍କୁ ଟ୍ରେନ ଓ ବସରେ ମାଗଣାରେ ଯାତାୟାତ ପାଇଁ କଂଗ୍ରେସ ତରଫରୁ ଗଜପତି ଆରଟିଓଙ୍କୁ ଦାବୀପତ୍ର ।
ପାରଳାଖେମୁଣ୍ଡି, ଓଡ଼ିଶା ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ଭକ୍ତ ଚରଣ ଦାସଙ୍କ ଆଦେଶ କ୍ରମେ ଗଜପତି ଜିଲ୍ଲା କଂଗ୍ରେସ କମିଟି ସଭାପତି ତଥା ମୋହନା ବିଧାୟକ ଶ୍ରୀ ଦାଶରଥି ଗମାଙ୍ଗ , ଜିଲ୍ଲା କଂଗ୍ରେସ ଉପ-ସଭାପତି ଗରୁଡ ଧ୍ଵଜ ଚୌଧୁରୀ ପୂର୍ବତନ ଉପ ନଗର ପାଳ ସଞ୍ଜୟ ଅଧିକାରୀଙ୍କ ନେତୃତ୍ୱରେ ହୋଇଥିବା ପାରଳାଖେମୁଣ୍ଡି ସ୍ଥିତ ଜିଲ୍ଲା କଂଗ୍ରେସ କାର୍ଯ୍ୟଳୟ ପରିସରରୁ ଏକ ବିଶାଳ ମୋଟର ସାଇକେଲ ରାଲିରେ ଛାତ୍ର କଂଗ୍ରେସର ଶତାଧିକ ଛାତ୍ର ନେତାଙ୍କ ଦ୍ଵାରା ସହର ପରିକ୍ରମା କରି ଛାତ୍ରୀ ଓ ପରୀକ୍ଷାର୍ଥୀ ମାନଙ୍କ ପାଇଁ ଦେୟମୁକ୍ତ ବସ ଏବ୍ଂ ଟ୍ରେନ ଯାତ୍ରା ଦାବିରେ ପରିବହନ କାର୍ଯ୍ୟଳୟ ସମ୍ମୁଖରେ ପହଞ୍ଚି ଥିଲେ।
ସେଠାରେ ଅନୁଷ୍ଠିତ ଏକ ସଭାରେ ମୋହନା ବିଧାୟକ ଦାଶରଥି ଗମାଙ୍ଗ ଜିଲ୍ଲା କଂଗ୍ରେସ ଉପ ସଭାପତି ଗରୁଡ଼ ଧ୍ଵଜ ଚୌଧୁରୀ ଉଦବୋଧନ ଦେଇ କହିଥିଲେ ଯେ ରାଜ୍ୟ କଂଗ୍ରେସ ସଭାପତି ଭକ୍ତ ଦାସ ଙ୍କ ନିର୍ଦ୍ଧେଶ ଅନୁଯାୟୀ ଆଜି ଛାତ୍ର କଂଗ୍ରେସର ନେତାମାନଙ୍କ ଦ୍ବାରା ଏହି ଆନ୍ଦୋଳନ ଘେରାଉ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଆଗାମୀ ଦିନରେ ସ୍କୁଲ, କଲେଜ ଏଵଂ ଇଣ୍ଟର୍ଭ୍ୟୁ ଦେବାକୁ ଯାଉଥିବା ଛାତ୍ର ଛାତ୍ରୀ ମାନଙ୍କୁ ବସ ଓ ଟ୍ରେନରେ ମାଗଣାରେ ଯାତ୍ରା କରିବାକୁ ଦେବାକୁ ରାଜ୍ୟ ଓ କେନ୍ଦ୍ର ର ଡବଲ ଇଞ୍ଜିନ ସରକାର ପଦକ୍ଷେପ ନେବାକୁ ଦାବୀ କରିଥିଲେ l ଏହି ଅବସରରେ ଏକ ସ୍ମାରକ ପତ୍ର ଜିଲ୍ଲା ଆଞ୍ଚଳିକ ପରିବହନ ଅଧିକାରୀଙ୍କୁ ପ୍ରଦାନ କରାଯାଇଥିଲା।
ଜିଲ୍ଲା କଂଗ୍ରେସ ଓ ଛାତ୍ର କଂଗ୍ରେସ ଦ୍ବାରା ଆୟୋଜିତ ଏହି କାର୍ଯ୍ୟକ୍ରମରେ ବରିଷ୍ଠ ମହିଳା କଂଗ୍ରେସ ନେତ୍ରୀ ଜସ୍ମିନ୍ ସେଖ୍, ବଳିଆ ପଣ୍ଡା , ସୂର୍ଯ୍ୟ ନାରାୟଣ ପାତ୍ର,ତ୍ରିନାଥ ପାତ୍ର, ସଂଗ୍ରାମ ସାହୁ, କୁନା ମାଝୀ, ମୁନା ମହାରଣା, ପାର୍ଥ ପାଳ, ବାବୁଲି ସାହୁ, ଆଇନଜୀବୀ ଅଶୋକ ଅଧିକାରୀ, ରାଧାକାନ୍ତ ରଥ, କୁରା ପରିଡା ସମେତ ମୋହନା, ଆର ଉଦୟଗିରି, ନୂଆଗଡ, ରାୟଗଡ ବ୍ଲକ ସମେତ ପାରଳାଖେମୁଣ୍ଡି ରୁ ଶତାଧିକ ଛାତ୍ର କଂଗ୍ରେସ, ଯୁବ କଂଗ୍ରେସ, ଓ ମହିଳା କଂଗ୍ରେସ ନେତା ଓ କର୍ମୀ ଉପସ୍ଥିତ ଥିଲେ।
ଗଜପତି ଜିଲ୍ଲାରୁ ଫଟୋ ନ୍ୟୁଜ ଟାଇମସ୍ ର ଜିଲ୍ଲା ପ୍ରତିନିଧି କୃଷ୍ଣ କୁମାର ବେହେରାଙ୍କ ରିପୋର୍ଟ।
