କନ୍ଧମାଳ ଜିଲ୍ଲାରେ ବାତ୍ୟାପାଇଁ ସଜାଗ

 

କନ୍ଧମାଳ ଜିଲ୍ଲାରେ ବାତ୍ୟା ସମ୍ଭାବନା ଦେଖୂ ପ୍ରଶାସନ ସଚେତନତ ଅଭିଯାନ। ପାହାଡ଼ିଆ ଅଞ୍ଚଳର ଲୋକଙ୍କୁ ସୁରକ୍ଷିତ ସ୍ଥାନକୁ ଯିବା ପାଇଁ ଚେତାବନୀ ଦେଲେ ସରକାର।
କନ୍ଧମାଳ ଜିଲ୍ଲାରେ ଆସନ୍ତା ବାତ୍ୟା ର ସମ୍ଭାବନାକୁ ଦେଖି ସରକାରଙ୍କ ତରଫରୁ ଜାରି ହୋଇଥ‌ିବା ବିଶେଷ ନିର୍ଦ୍ଦେଶ ଅନୁସାରେ, ଫୁଲବାଣୀ ପୌରପରିଷଦ ଏକ ବ୍ୟାପକ ସଚେତନତା ଓ ପ୍ରଚାର ଅଭିଯାନ ଚଲାଇ ଅଛି।
ପ୍ରଚାର ମାଧ୍ୟମରେ ପାହାଡ଼ ଓ ତଳ ଅଞ୍ଚଳର ଲୋକମାନଙ୍କୁ ଯଥା ତ୍ରିଦେବ ନଗର, ଶାଗଡିଆସାହି, ଅରବିନ୍ଦ ନଗର ଓ ଅନ୍ୟାନ୍ୟ ପାହାଡ଼ିଆ ସାହିଗୁଡିକୁ ତତ୍କାଳ ସୁରକ୍ଷିତ ସ୍ଥାନକୁ ଯିବା ପାଇଁ ପ୍ରଶାସନ ତରଫରୁ ଆହ୍ବାନ ଜାରି କରାଯାଇଛି।
ପୌରପରିଷଦ ଅଧୂକାରୀମାନେ ଜଣାଇଛନ୍ତି, ବାତ୍ୟା ଓ ଅଧୂକ ବର୍ଷା ଫଳରେ ପାହାଡ଼ ଧସି, ବିଦ୍ୟୁତ ବିଚ୍ଛିନ୍ନତା ଓ ଧନ-ଜୀବନ ହାନି ହେବାର ଆଶଙ୍କା ରହିଥ‌ିବାରୁ ‌‌ ସମସ୍ତଙ୍କୁ ସତର୍କ ଓ ସଚେତନ ରହିବା ଆବଶ୍ୟକ। ପ୍ରଶାସନ ତରଫରୁ ଜାରି ହୋଇଥ‌ିବା ବିଜ୍ଞପ୍ତିରେ ଜଣାଯାଇଛି ଯେ, କୌଣସି ଅପରିହାର୍ଯ୍ୟ ପରିସ୍ଥିତି ସୃଷ୍ଟି ହେଲେ ଜିଲ୍ଲା ନିୟନ୍ତ୍ରଣ କକ୍ଷ ସହ ସଂଯୋଗ ସ୍ଥାପନ କରି ସହାୟତା ନେବାକୁ ପରାମର୍ଶ ଦିଆଯାଇଛି।
କନ୍ଧମାଳ ଜିଲ୍ଲାରୁ ଶିବାଜୀ ଜେନାଙ୍କ ରିପୋର୍ଟ, ଫଟୋ ନ୍ୟୁଜ ଟାଇମସ।

Leave a Reply

Your email address will not be published. Required fields are marked *