କାଶତଣ୍ଡୀ ଫୁଲ ଦେଇଛି ଡାକରା, ଧରା ଅବତରଣ କରିବେ ମହାମାୟୀ ଦଶଭୁଜା।
ଧଳା ଚାଦର ଓଢଣୀ ଟାଣି, ଫର ଫର ହାତକୁ ହଲାଇ ଡାକେ ପ୍ରକୃତି ରାଣୀ। ବାର୍ତ୍ତା ଦେଇଛି ମାଁ ଙ୍କ ଆଗମନର ସଂକେତ ଧରାପୃଷ୍ଠେ ଅବତରଣ କରିବେ ମହାମାୟୀ ଦୁର୍ଗତିନାଶିନୀ।
ମହାମାୟୀ ଦଶଭୁଜା ମାଁ ଦୁର୍ଗା, ଚାତକ ପକ୍ଷୀ ଭଳି ଚାହିଁ ରହିଛନ୍ତି ଧରଣୀ ରାଣୀ। ଆନନ୍ଦ ବିଭୋର ଭକତ ଗଣ, ତ୍ରାହି ତ୍ରାହି ଡାକୁଛନ୍ତି ରକ୍ତମୁଖା ଚାମଣ୍ଡା ଚଣ୍ଡୀ। ମାଁ ଙ୍କ ଅବତରଣରେ ଶାନ୍ତି ପାଇବ ମହୀ। ଏହିପରି ଭାବରେ ଦୁର୍ଗତିନାଶିନୀ ମହାମାୟୀ ଦଶଭୁଜା ମାଁ ଦୁର୍ଗାଙ୍କୁ ନିମନ୍ତ୍ରଣ ହୋଇଛି। ମାଁ ଦୁର୍ଗା ଅବତରଣ କରୁଛନ୍ତି। ଅଶ୍ୱିନ ମାସ ଷଷ୍ଠି ତିଥିରେ ସର୍ବଜନେ ବନ୍ଦାପନା କରିବେ। ଏହି ପରିପ୍ରେକ୍ଷୀରେ ରାୟଗଡା ଜିଲ୍ଲାର ସ୍ଥାନେ ସ୍ଥାନେ ମାଁ ଦୁର୍ଗାଙ୍କ ଆଗମନକୁ ଅନାଇ ରହିଥିବା ବେଳେ ଗୁଡ଼ାରୀ ସଦର ଟାଉନ ଦୁର୍ଗାପୂଜା କମିଟି ପକ୍ଷରୁ ୧୯ ତମ ଦୁର୍ଗାପୂଜା ଅନୁଷ୍ଠିତ ହେବାକୁ ଯାଉଛି।
ମୂର୍ତ୍ତି କାରିଗର ତଥା ଶିଳ୍ପୀ କଟକର ଶ୍ରୀ ବୁଲୁ ମହାନ୍ତିଙ୍କ ହସ୍ତଶିଳ୍ପୀ ଅତି ଚମତ୍କାର। ମଣ୍ଡପ ପରିସର ସୁସଜ୍ଜିତ ତ୍ୱରଣ ସାଙ୍ଗକୁ ରଙ୍ଗବେରଙ୍ଗର ଆଲୋକ ମାଳା। ବିଭିନ୍ନ ରଙ୍ଗବେରଙ୍ଗର ଆଲୋକ ମାଳରେ ଝଲସି ଉଠିଛି ସହର। ଦର୍ଶନେ ଦର୍ଶକଙ୍କ ମନ ମୋହିଛି।
ଏଥିସହିତ ଦର୍ଶକଙ୍କ ମନରଞ୍ଜନ ପାଇଁ ମୀନା ବଜାର, ଭଜନ ସନ୍ଧ୍ୟା, ନାମିଦାମୀ କଳାକାର ମାନଙ୍କ ଦ୍ୱାରା ନାଚ, ଗୀତର ଆସରା ରହିଥିବା ଟାଉନ ଦୁର୍ଗାପୂଜା କମିଟି ଗୁଡ଼ାରୀର ସଭାପତି ଶ୍ରୀ ସନ୍ତୋଷ କୁମାର ମହାନ୍ତି ସୂଚନା ଦେଇଛନ୍ତି। ଏହି ଅବସରରେ ଜନ ସମାବେଶକୁ ଅନୁଧ୍ୟାନ କରି ଟାଉନ ଦୁର୍ଗାପୂଜା କମିଟି ତରଫରୁ ଦର୍ଶକ ମାନଙ୍କୁ ନିବେଦନ ଆଇନ ଶୃଙ୍ଖଳା ପରିସ୍ଥିତି ନିୟନ୍ତ୍ରଣକୁ ଦୃଷ୍ଟିରେ ରଖି ଶାନ୍ତି ଶୃଙ୍ଖଳା ବଜାୟ ରଖିବା ସହିତ ପୂଜାରେ ଉପସ୍ଥିତ ରହି ସହଯୋଗ କରିବା ନିମନ୍ତେ ଟାଉନ ଦୁର୍ଗା ପୂଜା କମିଟି ତରଫରୁ ଅନୁରୋଧ କରାଯାଇଛି ।
ରାୟଗଡା ରୁ ଫଟୋ ନ୍ୟୁଜ ଟାଇମ୍ସର ସାମ୍ବାଦିକ ପ୍ରସାଦ ଲିମାଙ୍କ ରିପୋର୍ଟ।
