ବିଷମ କଟକ ବ୍ରାହ୍ମଣ ଷ୍ଟ୍ରିଟର ବାସିନ୍ଦା କୈଳାସ ଚନ୍ଦ୍ର ସାହୁଙ୍କୁ ତାଙ୍କ ନିଜ ପୁଅ ନିର୍ମମ ଭାବେ ହତ୍ୟା କରିଥିବା ଘଟଣାର ପର୍ଦ୍ଦାଫାସ୍ କରିଛି ରାୟଗଡ଼ା ପୋଲିସ।
ଏହି ଘଟଣା ସଂପର୍କରେ ବିଷମ କଟକ ପୋଲିସ ଥାନାରେ କେସ୍ ନମ୍ବର ୧୮, ତାରିଖ ୩୦.୦୧.୨୦୨୬, ଧାରା ୧୦୩(୧) ବିଏନଏସ୍ ଅନୁଯାୟୀ ମାମଲା ରୁଜୁ କରାଯାଇଛି।
ପୋଲିସ ତଦନ୍ତରୁ ଜଣାପଡ଼ିଛି ଯେ, ମୃତ କୈଳାସ ଚନ୍ଦ୍ର ସାହୁ ଟଙ୍କା ଲଣ୍ଡରିଂ ବ୍ୟବସାୟ କରୁଥିଲେ। ତାଙ୍କ ସ୍ତ୍ରୀଙ୍କ ମୃତ୍ୟୁ ୧୫ ବର୍ଷ ପୂର୍ବେ ହୋଇଥିଲା ଏବଂ ତାଙ୍କର ଦୁଇ ପୁଅ ରାମଚନ୍ଦ୍ର ସାହୁ ଓ ଶ୍ୟାମ ସୁନ୍ଦର ସାହୁ ଅଛନ୍ତି।
ଋଣ ଦେଇ ଟଙ୍କା ଫେରସ୍ତ ନ ମିଳିବାକୁ ନେଇ ପିତା ଓ ପୁଅ ମଧ୍ୟରେ ଦୀର୍ଘଦିନ ଧରି ବିବାଦ ଚାଲିଥିଲା। ଏହି କଥାକୁ ନେଇ ତାଙ୍କ ସମ୍ପର୍କ ମଧ୍ୟ ବହୁତ ତୀବ୍ର ହୋଇଯାଇଥିଲା।
ଘଟଣା ଦିନ, ଅର୍ଥାତ୍ ୩୦ ଜାନୁଆରୀ ସନ୍ଧ୍ୟା ପ୍ରାୟ ୪ଟା ୩୦ ମିନିଟ୍ ସମୟରେ, ଅଭିଯୁକ୍ତ ଶ୍ୟାମ ସୁନ୍ଦର ସାହୁ ତାଙ୍କ ପିତାଙ୍କୁ ତଳ ଘରର ଅଗଣାରେ ଏକା ଥିବା ଦେଖିଥିଲେ। ସେ ସ୍ପ୍ରାଇଟ୍ ଥଣ୍ଡା ପାନୀୟରେ ପାଇଖାନା ସଫା କରିବା ଏସିଡ୍ ମିଶାଇ ପିତାଙ୍କୁ ପିଇବାକୁ ଦେଇଥିଲେ।
ପାନୀୟ ପିଇବା ପରେ କୈଳାସ ସାହୁ ଅସୁସ୍ଥ ହୋଇ ବାନ୍ତି କରିବାକୁ ୱାଶ୍ ବେସିନ୍ ନିକଟକୁ ଯାଇଥିବା ବେଳେ, ଅଭିଯୁକ୍ତ ପନିକି ସାହାଯ୍ୟରେ ମୁଣ୍ଡରେ ବାରମ୍ବାର ଆକ୍ରମଣ କରିଥିଲେ ଏବଂ ପରେ ଗଳା କାଟି ନିର୍ମମ ଭାବେ ହତ୍ୟା କରିଥିଲେ।
ହତ୍ୟା ପରେ ଅଭିଯୁକ୍ତ ଘଟଣାକୁ ଲୁଚାଇବା ପାଇଁ ନାଟକ କରିଥିଲେ। ପରେ ସ୍ଥାନୀୟ ଲୋକମାନେ କୈଳାସ ସାହୁଙ୍କୁ ବିଷମ କଟକ ଖ୍ରୀଷ୍ଟିଆନ୍ ହସ୍ପିଟାଲକୁ ନେଇଥିଲେ, ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ପୋଲିସ ଅଭିଯୁକ୍ତ ଶ୍ୟାମ ସୁନ୍ଦର ସାହୁଙ୍କୁ ଗିରଫ କରି ଅପରାଧରେ ବ୍ୟବହୃତ ପନିକି, ଏସିଡ୍ ବୋତଲ, ସ୍ପ୍ରାଇଟ୍ ବୋତଲ, ରକ୍ତଦାଗ ଥିବା ପୋଷାକ ସହିତ ସମସ୍ତ ଆପତ୍ତିଜନକ ସାମଗ୍ରୀ ଜବତ କରିଛି।
ଘଟଣାକୁ ନେଇ ସମଗ୍ର ବିଷମ କଟକ ଅଞ୍ଚଳରେ ଭୟ ଓ ଆତଙ୍କର ପରିବେଶ ସୃଷ୍ଟି ହୋଇଛି।
ପୋଲିସ ତଦନ୍ତ ଜାରି ରହିଛି।ଏଠାରେ ପ୍ରକାଶଥାଉକି ଏହି ଭଳି ଘଟଣା ମାନ ପୋଲିସ ର ସଠିକ ତଦନ୍ତ ଅଭାବ ରୁ ଦୋଷୀ ଖସିଯାଉଛନ୍ତି। ନିକଟରେ ଭୁବନେଶ୍ୱର ର ଡୁମୁଡୁମା ଫେଜ 4 ରେ ଏହି ଅଞ୍ଚଳ ର ବିରଞ୍ଚି ଆଚାର୍ଯ୍ୟ ଏବଂ ତାଙ୍କର ମାଷ୍ଟର ମାଇଣ୍ଡ ଫୁଲବାଣୀ ର ହୋମିଓ ପତିକ ଡାକ୍ତର ରାଜକିଶୋର ମିଶ୍ର ଙ୍କ ନାମରେଏକ ତଥ୍ୟ ଭିତିକ ସମ୍ବାଦ ଆମେ ପ୍ରକାଶ କରିଥିଲୁ। ଯେଉଁଥିରେ ପୁଅ ବୃଦ୍ଧା ମା କୁ ହତ୍ୟା କରିଥିବାର ସୂଚନା ମିଳୁଅଛି। ଏହା ପୋଲିସ ର ତଦନ୍ତ ସାପେକ୍ଷ। ରାୟଗଡା ରୁ ମନୋରଞ୍ଜନ ଶତପଥୀ ଙ୍କ ରିପୋର୍ଟ ଫୋଟୋ ନିୟୁଜ ଟାଇମ୍ସ।
କୈଳାସ ଚନ୍ଦ୍ର ସାହୁଙ୍କୁ ତାଙ୍କ ନିଜ ପୁଅ ନିର୍ମମ ଭାବେ ହତ୍ୟା କରିଛି
