ଗଞ୍ଜେଇ ଚାଲାଣର ନୂଆ ଫର୍ମୁଲା। ପୋଲିସ ପାଟ୍ରୋଲିଂ ବେଳେ ତିନି ମହିଳା ସହ ଗଞ୍ଜେଇ ଜବତ। କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ କ.ନୂଆଗାଁ ଥାନା ପକ୍ଷରୁ ଧୂଙ୍ଗିଆଦେବୀ ମନ୍ଦିର ନିକଟରେ ପୋଲିସ ଦଳର ପେଟ୍ରୋଲିଂ ବେଳେ ଚୋରା ଗଞ୍ଜେଇ ଚାଲାଣକାରୀ ତିନି ଜଣ ମହିଳାଙ୍କୁ ପୋଲିସ ପେଟ୍ରୋଲିଂ ଦଳ ଏସଆଇ ଦମୟନ୍ତୀ ବେହେରା,ଏଏସଆଇ ବାସୁଦେବ ପଣ୍ଡା ଓ ସୁରେନ୍ଦ୍ର ରାଜହଂସଙ୍କ ହାବୁଡ଼ରେ ପଡ଼ିଥିଲେ।
ଉକ୍ତ ଗଞ୍ଜେଇ ଅଖାକୁ ପୋଲିସ ତନଖି କରି ଗଞ୍ଜେଇ ଜବତ କରିଥିଲେ। ପରେ ଉକ୍ତ ସ୍ଥାନରେ ମାଜିଷ୍ଟ୍ରେଟ ଭାବେ କ.ନୂଆଗାଁ ଅତିରିକ୍ତ ତହସିଲଦାର ବସୁଧା ପ୍ରଧାନଙ୍କ ଉପସ୍ଥିତିରେ ଉକ୍ତ ଅଖାରେ ଥିବା ୨୮ କେଜି ଗଞ୍ଜେଇ ସହ ମୋବାଇଲ୍ ଦୁଇଟି ଜବତ କରିଥିଲେ।
ତଦନ୍ତ ଅଧିକାରୀ ଥାନା ସେକେଣ୍ଡ ଅଫିସର ଅଶୋକ କୁମାର ତ୍ରିପାଠୀ ଏ ସକ୍ରାନ୍ତରେ ଥାନା କେସ ନଂ. ୦୪/୨୬ ରେ ଏକ ଏନଡିପିଏସ ମାମଲା ରୁଜୁ କରି ଚାଲାଣକାରୀ ତିନି ମହିଳା ଆସାମୀ ନୟାଗଡ଼ ଜିଲ୍ଲା ସଦର ଥାନା ଅନ୍ତର୍ଗତ ତିନିହେଁ ହିରାଦେଇପୁରୁ ଗ୍ରାମର ବିଶ୍ଵନାଥ ସ୍ବାଇଁଙ୍କ ସ୍ତ୍ରୀ ସୁକାନ୍ତି ସ୍ଵାଇଁ, ଗୋଲେଖ ସ୍ବାଇଁଙ୍କ ସ୍ତ୍ରୀ ରୀତା ସ୍ଵାଇଁ ଓ ସନ୍ତୋଷ ଜେନାଙ୍କ ସ୍ତ୍ରୀ ମାନସୀ ଜେନାକୁ ଗିରଫ କରି ସୋମବାର କୋର୍ଟ ଚାଲାଣ କରାଯାଇଥିବା ବିଷୟ ଥାନା ଅଧିକାରୀ ଅଶୋକ କୁମାର ହାଁସଦା ସୂଚନା ଦେଇଛନ୍ତି।ପ୍ରକାଶ ଥାଉକି ବାସ୍ତବ କ୍ଷେତ୍ରରେ ଏମାନଙ୍କୁ କାର୍ଯ୍ୟରେ ଲଗେଇଥିବା ଗଞ୍ଜେଇ ବ୍ୟବସାୟୀ ଲୋକ ଲୋଚନକୁ ଆସିନାହିଁ। ଦିନ ମଜୁରୀଆ ଭାବେ କାମ କରୁଥିବା ମହିଳା ମାନେ ବାସ୍ତବରେ ଦୋଷୀ ବା ନିର୍ଦୋଷ ତାହା ତଦନ୍ତ ସାପେକ୍ଷ। ପୋଲିସ ଓ ବିଭାଗୀୟ ଅଧିକାରୀ ମାନେ ନିଜର କାର୍ଯ୍ୟ ସମ୍ପାଦନ କରି କ୍ଲିନ ଚିଟ ପାଇବା ପାଇଁ ଏହା ଏକ ପ୍ରୟାସ ନୁହେଁ ତ। ଏହା ଆମେ କହୁନାହୁଁ ସେଠାକାର ବୁଦ୍ଧିଜୀବୀ ମାନେ କହୁଛନ୍ତି।
ବାଲିଗୁଡ଼ାରୁ ସଞ୍ଜୟ କୁମାର ପାଣିଗ୍ରାହୀଙ୍କ ରିପୋର୍ଟ, ଫଟୋ ନ୍ୟୁଜ ଟାଇମସ।
