ନୂଆପଡା ଉପନିର୍ବାଚନର ଉଷ୍ମତା ବଢ଼ିବାରେ ଲାଗିଛି। ହାତୀର ଯେପରି ଖାଇବା ଦାନ୍ତ ଏବଂ ଦେଖେଇବା ଦାନ୍ତ ଭିନଅଟେ। ସେହିଭଳି ନୂଆପଡା ନିର୍ବାଚନରେ ପ୍ରମୁଖ ଦଳ ବିଜେପି, ବିଜେଡ଼ି ଏବଂ କଂଗ୍ରେସର ନେତା ମାନଙ୍କର ହାତୀ ଦାନ୍ତଭଳି ପରିସ୍ଥିତି ଉପୁଜୁଛି।
ଏଠାରେ ଆମେ ବସନ୍ତ ପଣ୍ଡା ବିଜେପିର ପୂର୍ବତନ ବିଧାୟକ ତଥା ଟାଣୁଆ ନେତାଙ୍କ ସମ୍ପର୍କରେ ଆସୁଥୁବା ମତ ଓ ମନ୍ତବ୍ୟକୁ ଉପସ୍ଥାପନା କରୁଅଛୁ। ତାଙ୍କର ପୁଅ ବିଜେପିର ଟିକେଟ ନପାଇବା ଯୋଗୁଁ ସେ ବାସ୍ତବ କ୍ଷେତ୍ରରେ ସହଯୋଗ କରୁନାହାନ୍ତି ବୋଲି କିଛି କର୍ମୀ ମତ ଦେଇଛନ୍ତି।
ସେମାନେ କହିଛନ୍ତି ଯଦି ଜୟ ଢୋଲକିୟା ଆଗାମୀ ନିର୍ବାଚନରେ ଜୟଯୁକ୍ତ ହୁଅନ୍ତି ସେ ଏବଂ ତାଙ୍କ ପୁଅର ନୂଆପଡାରେ ରାଜନୈତିକ କ୍ୟାରିୟର ଏକ ପ୍ରକାର ଶେଷ ହୋଇଯିବ। କିନ୍ତୁ ଯଦି ଘାସିରାମ ମାଝୀ ଜିତନ୍ତୀ, ଆଗାମୀ ପଞ୍ଚାୟତ ନିର୍ବାଚନ ଓ ସାଧାରଣ ନିର୍ବାଚନରେ ତାଙ୍କ ପ୍ରତିନିଧିତ୍ୱ ବିଜେପି ଦଳ ତରଫରୁ ରହିବ।
ଏବେ ତାଙ୍କୁ ଜଗିବା ପାଇଁ ଅନ୍ୟ ବିଜେପି ନେତାଙ୍କୁ ତାଙ୍କ ସହିତ ସାମିଲ କରାଯାଇଥିବା ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି। ସେ ଯାହାବି ହେଉ ଯଦି ବିଜେପିର ଅସନ୍ତୁଷ୍ଟ ଭୋଟ ବିଜେଡ଼ି ପାର୍ଥି ଶ୍ରୀମତୀ ସ୍ନେହାଙ୍ଗିନୀଙ୍କ ସପକ୍ଷରେ ଯାଏ ତେଵେ ପ୍ରାୟତଃ ବିଜେପି ୧୪୦୦୦ ରୁ ଉର୍ଦ୍ଧ ଭୋଟରେ ଜିତିବାର ସମ୍ଭାବନାକୁ ଏଡାଇ ଦିଆଯାଇନପାରେ। ଯଦି ଏହି ଅସନ୍ତୁଷ୍ଟ ଭୋଟ ଯଦି କଂଗ୍ରେସ ପାର୍ଥି ଶ୍ରୀ ଘାସିରାମଙ୍କ ସପକ୍ଷରେ ଯିବ,କଂଗ୍ରେସ ଦଳ ଅଳ୍ପ ବ୍ୟବଧାନରେ ଜିତିବ ବୋଲି ରାଜନୈତିକ ସମୀକ୍ଷକ ମାନେ ମତ ଦେଉଛନ୍ତି। ଏଥିପାଇଁ ହୁଏତ ବିଜେଡ଼ି ତାର ଦଳୀୟ ପାର୍ଥିଙ୍କ ପାଇଁ ନିଷ୍ପତି ନେଇପାରେ।
ଫଟୋ ନ୍ୟୁଜ ଟାଇମ୍ସର ସାମ୍ବାଦିକ ଗିରିଧାରୀ ଲାଲ ଷଡ଼ଙ୍ଗୀଙ୍କ ରିପୋର୍ଟ।
