ଆମର ଏହି ସେଗମେଣ୍ଟର ଟାଇଟେଲ ହେଉଛି ସରକାରଙ୍କର ଯୋଜନା ଉପରେ ଯୋଜନା। କେତେ ବାସ୍ତବ, ଆଉ କେତେ ପ୍ରଚାର ଓ ପ୍ରସାର।
ପ୍ରତ୍ୟକ ସମ୍ବାଦ ପତ୍ର ସରକାରଙ୍କ ପ୍ରଚାର ଓ ପ୍ରସାର କରିବା ଆବଶ୍ୟକ। ସେ ବିଜ୍ଞାପନ ମାଧ୍ୟମରେ ହେଉ କିମ୍ବା ନ୍ୟୁଜ ମାଧ୍ୟମରେ ହେଉ। ସେ ଯାହାବି ହେଉ ଏଠାରେ ଆମେ ପ୍ରଧାନମନ୍ତ୍ରୀ ସହରୀ ଆବାସ ଯୋଜନାର ଶୁଭାରମ୍ଭ ସମ୍ପର୍କରେ ଅବଗତ କରାଉଛୁ।
ପ୍ରଧାନମନ୍ତ୍ରୀ ଆବାସ ଯୋଜନା(ସହରୀ ୨.୦) ର ଶୁଭାରମ୍ଭ ଟାଉନହଲ ଠାରେ ଅନୁଷ୍ଠିତ ହୋଇଥିଲା।ଏଥିରେ ମୁଖ୍ୟ ଅତିଥି ଭାବେ ପୁରୀ ଲୋକସଭା ସାଂସଦ ଡା ସମ୍ବିତ ପାତ୍ର ଯୋଗ ଦେଇ ନିଜର ଘର ଟିଏ ସମସ୍ତଙ୍କ ସ୍ବପ୍ନ ଥାଏ ବୋଲି କହିଥିଲେ। ଆସନ୍ତା ପାଇଁ ଏହା ଏକ ସମ୍ବଳ।ଏହି ସ୍ବପ୍ନ କୁ ସାକାର ପାଇଁ ଆଜି ଠାରୁ ପୁରୀ ସହରାଞ୍ଚଳରେ ପ୍ରକ୍ରିୟା ଆରମ୍ଭ ହୋଇଛି।ଉପଯୁକ୍ତ ଆବେଦନକାରୀ ଅନଲାଇନ ମାଧ୍ୟମରେ ପ୍ରଧାନମନ୍ତ୍ରୀ ଆବାସ ଯୋଜନା ସହରୀ ୨.୦ ପାଇଁ ଆବେଦନ କରିବେ।ଏଗୁଡିକ ଯାଞ୍ଚ ପରେ ସେମାନ ଙ୍କୁ କାର୍ଯ୍ୟାଦେଶ ଦିଆଯିବ।ତେଣୁ ଏହାକୁ ନିଷ୍ଠା ର ସହ,ନିଜେ ଶ୍ରମଦାନ କରି ନିଜର ଘର ଟିଏ ବନାନ୍ତୁ ଓ ତତସହିତ ନିର୍ଦ୍ଧାରିତ ୪ ମାସ ଓ ୬ ମାସ ମଧ୍ୟରେ କାର୍ଯ୍ୟ ସମ୍ପର୍ଣ୍ଣ କରି ଯଥାକ୍ରମେ ୨୦ ହଜାର ଓ ୧୦ ହଜାର ଅର୍ଥ ରାଶି ହାସଲ କରନ୍ତୁ ବୋଲି ଡା ପାତ୍ର ଆହ୍ବାନ ଦେଇଥିଲେ।ମାନ୍ୟବର ପୁରୀ ବିଧାୟକ ସୁନିଲ କୁମାର ମହାନ୍ତି ସହରାଞ୍ଚଳ ର ଅନେକ ଲୋକ ବିନା ଘରରେ କାଳାତିପାତ କରୁଛନ୍ତି।ସେମାନଙ୍କ ପାଇଁ ଏହା ଏକ ସୁଯୋଗ।ଯୋଗ୍ୟତା ଅନୁସାରେ ହିତାଧିକାରୀ ଚୟନ ସହ ସେମାନଙ୍କୁ ସଚେତନ କରାଇବାକୁ ସେ ଅନୁରୋଧ କରିଥିଲେ।ଅତିରିକ୍ତ ଜିଲ୍ଲାପାଳ ପ୍ରଶାସନ ଶରତ ଚନ୍ଦ୍ର ବେହେରା ଯୋଗ ଦେଇ ସହରୀ ଆବାସ ପାଇଁ ଆବଶ୍ୟକୀୟ ନିୟମାବଳୀ ଓ ସରକାରୀ ବ୍ୟବସ୍ଥା ସମ୍ପର୍କରେ ଆବେଦନକାରୀ ମାନେ ଭଲ ଭାବେ ଅବଗତ ହୋଇ ଆବେଦନ କରିବାକୁ ଅନୁରୋଧ କରିଥିଲେ।ପୌର ନିର୍ବାହୀ ଅଧିକାରୀ ଅଭିମନ୍ୟୁ ବେହେରା ଏଥିରେ ଅଧ୍ୟକ୍ଷତା କରିବା ସହ ସମସ୍ତଙ୍କୁ ସ୍ବାଗତ କରିଥିଲେ।ସୂଚନା ଦେଇ ସେ କହିଲେ ଯେ ଆବାସ ଯୋଜନା ୧.୦ ରେ ୨୩୮୧ ମଧ୍ୟରୁ ୧୯୦୮ ଘର ପୂର୍ଣ୍ଣାଙ୍ଗ ହୋଇ ଥିବା ବେଳେ ୧୭୮ ଘର ନିର୍ମାଣାଧିନ ଅଛି।ତେବେ ୨୯୫ କାର୍ଯ୍ୟାଦେଶ ପାଇବା ସତ୍ତ୍ବେ କାର୍ଯ୍ୟ ଆରମ୍ଭ କରୁ ନ ଥିବାରୁ, ବାରମ୍ବାର ନୋଟିସ ସତ୍ତ୍ଵେ ସହଯୋଗ କରୁ ନ ଥିବାରୁ ସେମାନ ଙ୍କୁ ଯୋଜନା ରୁ ବାଦ ଦିଆଯାଇଛି।ଚଳିତ ୨.୦ ପାଇଁ ବର୍ତ୍ତମାନ ସୁଦ୍ଧା ୮୦୦ ଆବେଦନ ମିଳିଛି ଓ ଯାଞ୍ଚ ହୋଇ ଉପଯୁକ୍ତ କାର୍ଯ୍ୟାନୁଷ୍ଠାନ ପାଇଁ ପ୍ରେରଣ କରାଯାଇଛି।
ଏଥିରେ ଧାର୍ଯ୍ୟ ଲକ୍ଷ୍ୟ ନାହିଁ।ଯୋଗ୍ୟତା ଅନୁସାରେ ଆବେଦନ କରାଯାଇ ପାରିବ ବୋଲି ସେ ସୂଚନା ଦେଇଥିଲେ।ଏହି ଅବସରରେ ୪ ମାସ ମଧ୍ୟରେ ଗୃହ ପୂର୍ଣ୍ଣାଙ୍ଗ କରିଥିବାରୁ ୩ ହିତାଧିକାରୀଙ୍କୁ ସମ୍ବର୍ଦ୍ଧିତ କରାଯାଇଥିଲା।ଶେଷରେ ସୂଚନା ଓ ଲୋକ ସମ୍ପର୍କ ଉପ ନିର୍ଦ୍ଦେଶକ ସନ୍ତୋଷ କୁମାର ସେଠୀ ଧନ୍ୟବାଦ ଅର୍ପଣ କରିଥିଲେ।ପରେ ଅତିଥି ମାନେ ସଚେତନତା ରଥର ଶୁଭାରମ୍ଭ କରିଥିଲେ।ଏହି କାର୍ଯ୍ୟକ୍ରମକୁ ସିଇଓ ରେଶମା ମହାନ୍ତି ପରିଚାଳନା କରିଥିଲେ। ପୌରାଞ୍ଚଳର ଅନ୍ୟ ଅଧିକାରୀ ଓ କର୍ମଚାରୀ ମାନେ ସହଯୋଗ କରିଥିଲେ।
ପୁରୀରୁ ଫଟୋ ନ୍ୟୁଜ ଟାଇମସ୍ ର ସାମ୍ବାଦିକ ପ୍ରସନ୍ନ କୁମାର ଲେଙ୍କାଙ୍କ ରିପୋର୍ଟ୍।
