ପେଣ୍ଡିଲି ଭୂଗର୍ଭରେ ସମାଧିତ ପୂଜ୍ୟ ଗୁରୁ ସ୍ବର୍ଗତ ନକୁଳ ଲିମା। ଗୁରୁଙ୍କ ଅଭିଳାଷ ପୂର୍ଣ୍ଣ କଲେ ପେଣ୍ଡିଲି ଗ୍ରାମର ଶିଷ୍ୟ ଓ ଗ୍ରାମବାସୀ ବୃନ୍ଦ।
ଗୁଡ଼ାରୀ ବ୍ଲକ ଅନ୍ତର୍ଗତ ପେଣ୍ଡିଲି ଗ୍ରାମରେ ଦେଖା ଦେଇଛି ଏକ ଗୁରୁ ପରମ୍ପରା। ପୁରାଣ ବର୍ଣ୍ଣିତ ଗୁରୁ ଓ ଶିଷ୍ୟ ପରମ୍ପରାକୁ ଉଦ୍ଜୀବିତ କଲେ ମହାପ୍ରଭୁ ଶ୍ରୀ ଚୈତନ୍ୟ ମାର୍ଗରେ ଅନୁପ୍ରାଣିତ ପୂଜ୍ୟ ଗୁରୁ ସ୍ବର୍ଗତ ନକୁଳ ଲିମାଙ୍କ ଶିଷ୍ୟ ଗଣ। ପୂଜ୍ୟ ଗୁରୁ ନକୁଳ ଲିମା, ଜିଲ୍ଲାର ଆଦିବାସୀ ଅଧ୍ୟୁଷିତ ବଣ ଜଙ୍ଗଲ ଘେରା ଅଞ୍ଚଳ ବିଷମ କଟକ ବ୍ଲକର ନିକଞ୍ଚ ପଲ୍ଲୀ ଅଞ୍ଚଳ ଜୁଗା ପଦର ଗ୍ରାମର ନିପଟ ଗରିବ ପରିବାରରେ, ପିତା: ସ୍ବର୍ଗତ ସମ୍ବାରିଆ ଲିମା ଓ ମାତା ସ୍ବର୍ଗତ ସମୁଦୁରା ଲିମାଙ୍କ ସୁଗର୍ଭରୁ ୧୯୫୫ ମସିହା ଫେବୃଆରୀ ୦୬ ତାରିଖରେ ଜନ୍ମ ନେଇଥିଲେ।
ବଣ ମଲ୍ଲୀ ବଣରେ ମଉଳି ନ ଯାଇ ସୁବାସିତ ସୁଗନ୍ଧରେ ଗ୍ରାମାଞ୍ଚଳ ରୁ ସହର ପର୍ଯ୍ୟନ୍ତ କଳିଯୁଗ ମହାମନ୍ତ୍ରରେ ମହକି ଥିଲା। ଆଜି ତାହାର ପ୍ରକୃତ ମୂଲ୍ୟ ପ୍ରତକ୍ଷଦର୍ଶୀ ଅନୁଭବ କରି ପାରିଛନ୍ତି। ସେ ୧୯୭୬ ମସିହାରୁ ଶିକ୍ଷକତା ବୃତ୍ତିକୁ ଆପଣେଇ ୨୦୧୩ ମସିହାରେ ଅବସର ନେଲେ ।
ବାସସ୍ଥାନ ଟିକିରିରେ ରହି ଶିକ୍ଷକତା ମଧ୍ୟରେ ୨୦୨୦ ମସିହାରୁ ୨୦୨୫ ନଭେମ୍ବର ପର୍ଯ୍ୟନ୍ତ ମହାପ୍ରଭୁ ଶ୍ରୀ ଚୈତନ୍ୟଙ୍କ ମାର୍ଗରେ ଅନୁପ୍ରାଣିତ ହୋଇ ପଲ୍ଲୀ ଠାରୁ ସହର ପର୍ଯ୍ୟନ୍ତ କଳିଯୁଗର ଯୁଗାଦ୍ଧ ମହାମନ୍ତ୍ରରେ ୧୬୦ ରୁ ଉର୍ଦ୍ଧ ନାମ ସଂକୀର୍ତ୍ତନ ଗଠନ କରି ଆଜି ବ୍ରହ୍ମରେ ଲୀନ ହେଲେ। ଗତ ୨୦୨୫ ନଭେମ୍ବର ୨୪ ତାରିଖ ପ୍ରାତଃ ୩ଘଣ୍ଟା ୧୫ ମିନିଟ ସମୟରେ ଭୁବନେଶ୍ୱର ସ୍ଥିତ ଘରୋଇ ମେଡ଼ିକାଲରେ ନିଜର ଶେଷ ନିଶ୍ୱାସ ତ୍ୟାଗ କଲେ। ପୂଜ୍ୟ ଗୁରୁ ସ୍ବର୍ଗତ ନକୁଳ ଲିମା ଙ୍କ ଶେଷ ଅଭିଳାଷ ଥିଲା ମୃତ୍ୟୁ ପରେ ପେଣ୍ଡିଲି ଗ୍ରାମରେ ଶେଷ ସମାଧି ଗ୍ରହଣ କରିବେ, ଆଜି ତାହା ସତ୍ୟ ପ୍ରମାଣିତ ହୋଇଛି।
ଚଳିତ ୨୦୨୫ ନଭେମ୍ବର ୨୫ ତାରିଖ ମଙ୍ଗଳବାର ଦିନ ସକାଳ ୮ ଘଣ୍ଟିକା ସମୟରେ ପରିବାରର ପୂର୍ଣ୍ଣ ଅଭିଳାଷ ଓ ଟିକିରି ଗ୍ରାମବାସୀଙ୍କ ସହମତିରେ ପେଣ୍ଡିଲି ଅଣାଯାଇଥିଲା।
ସେଠାରେ ଗୁରୁ ଶିଷ୍ୟ ପରମ୍ପରା ସହିତ ଜଗତ ଗୁରୁ ଶଙ୍କରାଚାର୍ଯ୍ୟ ଗୋବର୍ଦ୍ଧନ ମଠ ଦ୍ୱାରା ପ୍ରତିଷ୍ଠିତ ପୀଠ, ପୁରୀ ଦ୍ୱାରା ପରିଚାଳିତ ଆଦିତ୍ୟ ବାହିନୀ ଓ ଆନନ୍ଦ ବାହିନୀର ରାଜ୍ୟ ଉପସଭାପତି ଶ୍ରୀ ତ୍ରୀପତି ମହାନ୍ତିଙ୍କ ଦ୍ୱାରା ବୈଦିକ ବ୍ୟବସ୍ଥାରେ ଅପରାହ୍ନ ୪.୧୫ ମିନିଟ ସମୟରେ ଶେଷକୃତ୍ୟ ସମାପନ ହୋଇଛି। ଉକ୍ତ ସମାଧିତ କାର୍ଯ୍ୟକ୍ରମରେ ଗୁରୁ ମାଆ, ୨ ପୁଅ ବହୁ, ନାତି, ଜ୍ଞାତି କୁଟୁମ୍ବ, ଆତ୍ମୀୟ ସ୍ୱଜନ, ସମସ୍ତ ସଂକୀର୍ତ୍ତନ ମଣ୍ଡଳୀର ନାମପ୍ରେମୀ ଶିଷ୍ୟ ଶିଷ୍ୟା ଓ ଅଞ୍ଚଳବାସୀଙ୍କ ଜନ ସମାଗମରେ ରାମକୃଷ୍ଣ ନାମ ଧ୍ଵନି ଓ କରୁଣା ଆର୍ତ୍ତନାଦରେ ପରିବେଶ ପ୍ରକମ୍ପିତ ହୋଇଥିଲା।
ମରିନାହିଁ ଗୁରୁ,ହଜିନାହିଁ କିଛି, ସ୍ମୃତି ଛାଡିଦେଲେ ସିନା ନେଇଗଲେ ଅଗାଧ ସମ୍ପତି ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହିଁ ଚର୍ଚ୍ଚା ।
ରାୟଗଡା ରୁ ପ୍ରସାଦ ଲିମାଙ୍କ ରିପୋର୍ଟ, ଫଟୋ ନ୍ୟୁଜ ଟାଇମସ।
