ଗିରଫ ଗଞ୍ଜେଇ ମାଫିଆ ଠାରୁ ବନ୍ଧୁକ ସହ ୬ ଟି ଜୀବନ୍ତ ଗୁଳି, ଗୋଟିଏ ମୋବାଇଲ ଓ ନଗଦ ୩୫୪୬ ଟଙ୍କା ଜବତ l ଗତ ଶୁକ୍ରବାର ସଂଧ୍ୟା ୭ ଟା ସମୟରେ କଣ୍ଟାମାଳ ପୋଲିସ ପକ୍ଷରୁ ଲମ୍ବସରୀ ଅଞ୍ଚଳରେ ସାନ୍ଧ୍ୟକାଳୀନ ପେଟ୍ରୋଲିଙ୍ଗ ଚାଲିଥିବାବେଳେ ପୂର୍ବରୁ ଗଞ୍ଜେଇ ଚାଲାଣ ଘଟଣାରେ ପୋଲିସକୁ ଚକମା ଦେଇ ଫେରାର ଥିବା କୁଖ୍ୟାତ ଗଞ୍ଜେଇ ମାଫିଆ ହୃଷିକେଶ ପାତ୍ର ଲମ୍ବସରୀ ସ୍କୁଲ ଭିତରେ ଥିବାନେଇ ବିଶ୍ୱସ୍ତ ସୂତ୍ରରୁ ପୁଲିସ ଜାଣିବାକୁ ପାଇଥିଲା l
ସୂଚନା ପାଇ ପୁଲିସ ଲମ୍ବସରୀ ସ୍କୁଲ ଭିତରେ ଚଢ଼ାଉ କରି କୁଖ୍ୟାତ ଗଞ୍ଜେଇ ମାଫିଆ ହୃଷିକେଶ ପାତ୍ର କୁ ମଦ ପିଉଥିବା ଅବସ୍ଥାରେ ଗିରଫ କରିଥିବା ନେଇ ଶନିବାର ଅପରାହ୍ନ ୨ ଘଣ୍ଟା ସମୟରେ ବୌଦ୍ଧ ଏସ୍ଡ଼ିପିଓ ଲରେନ୍ସ ରାଉତରାୟ ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଥିଲେ l ଗିରଫ ହୃଷିକେଶ ନିକଟରୁ ଗୋଟିଏ ଦେଶୀ ସେମିଅଟୋମେଟିକ ବନ୍ଧୁକ, ୬ ଟି ଜୀବନ୍ତ ଗୁଳି,ଗୋଟିଏ ମୋବାଇଲ ସହ ୩ ହଜାର ୫୪୬ ଟଙ୍କା ଜବତ କରିଛି l
ପୂର୍ବରୁ ଦୁଇଥର ଗଞ୍ଜେଇ ଚାଲାଣ ବେଳେ ପୁଲିସ କୁ ଚକମା ଦେଇ ଖସି ଯିବାରେ ସଫଳ ହୋଇଥିଲା ହୃଷିକେଶ ପାତ୍ର l ସେଥିମଧ୍ୟରୁ ମେ ମାସ ୨୦ ତାରିଖରେ ୬ କ୍ୟୁଣ୍ଟାଲ ଗଞ୍ଜେଇ ଚାଲାଣ ଘଟଣାର ସେ ଥିଲା ମୁଖ୍ୟ ଅଭିଯୁକ୍ତ l ସେହିପରି ଗତ ୨୦୨୩ ମସିହାରେ ୩୧ କ୍ୟୁଇଣ୍ଟାଲ ଏକ ଗଞ୍ଜେଇ କେସରେ ପୋଲିସ କୋର୍ଟ ଚାଲାଣ କରିଥିବା ପୂର୍ବ ରେକର୍ଡ ରୁ ଜଣାପଡିଥିବା ନେଇ କହିଛି ପୁଲିସ l
ପୋଲିସ ଏନଡିପିଏସ ଓ ଆରମ୍ସ ଆକ୍ଟ ରେ ଏକ ମାମଲା ରୁଜୁକରି ତାକୁ କୋର୍ଟ ଚାଲାଣ କରିଥିବା ବେଳେ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ବୌଦ୍ଧ ଏସଡିପିଓ l
ବୌଦ୍ଧ ଜିଲ୍ଲା ପ୍ରତିନିଧି ବାସୁଦେବ ଷlଣ୍ଢ ଙ୍କ ରିପୋର୍ଟ ଫଟୋ ନ୍ୟୁଜ୍ ଟାଇମ୍ସ।
