ମୋଦିଜୀଙ୍କ ପ୍ରୟାସ ବ୍ୟକ୍ତି, ସମାଜ ଓ ଦେଶ ନିିର୍ମାଣରେ ସହାୟକ ହୋଇଛି ବୋଲି କହିଛନ୍ତି ମନମୋହନ ସାମଲ। ସମାଜରେ ସଚେତନତା ସୃଷ୍ଟି ହେବା ସହ ଜନସାଧାରଣଙ୍କୁ ପ୍ରେରଣା ଯୋଗାଇଛି “ମନ୍ କି ବାତ୍” କାର୍ଯ୍ୟକ୍ରମ। ସ୍ୱଦେଶୀ ଅଭିଯାନ ଜରିଆରେ ଦେଶକୁ ଆତ୍ମନିର୍ଭର କରିବା ପାଇଁ ମୋଦିଜୀ ଆହ୍ୱାନକୁ ମିଳିମିଶି ସଫଳ କରିବା। ଚନ୍ଦକାଠାରେ ମହାନ ବିପ୍ଳବୀ ପାଇକ ଯୋଦ୍ଧା ପିଣ୍ଡିକି ବାହୁବଳେନ୍ଦ୍ରଙ୍କ ପ୍ରତିମୂର୍ତିରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳୀ ଜଣାଇବା ସହ ବୃକ୍ଷରୋପଣ କାର୍ଯ୍ୟକ୍ରମରେ ଯୋଗ ଦେଇଥିଲେ ରାଜ୍ୟ ସଭାପତି ଶ୍ରୀ ସାମଲ।
ଖୋର୍ଦ୍ଧା ଜିଲ୍ଲା ଅନ୍ତର୍ଗତ ଚନ୍ଦକା ମଣ୍ଡଳ କାର୍ଯ୍ୟାଳୟରେ “ମନ କି ବାତ” କାର୍ଯ୍ୟକ୍ରମରେ ଯୋଗଦେଇ ଶ୍ରୀ ସାମଲ କହିଛନ୍ତି ଯେ, “ମନ କି ବାତ” କେବଳ ଏକ ରେଡିଓ କାର୍ଯ୍ୟକ୍ରମ ନୁହେଁ ବରଂ ସାମାଜିକ ପରିବର୍ତନର ଏକ ମାଧ୍ୟମ । ଯଶସ୍ୱୀ ପ୍ରଧାନମନ୍ତ୍ରୀଙ୍କ ଦୂରଦର୍ଶୀ ଚିନ୍ତାଧାରା ଏବଂ ଜନସାଧାରଣଙ୍କ ସହ ହୃଦୟସ୍ପର୍ଶୀ ବାର୍ତା ଦେଶର ପ୍ରତ୍ୟେକ ନାଗରିକଙ୍କୁ ଏକ ଉଜ୍ୱଳ ଭବିଷ୍ୟତ ନିର୍ମାଣରେ ଅଂଶୀଦାର ହେବାକୁ ପ୍ରେରଣା ଯୋଗାଉଛି । ଅକ୍ଟୋବର ୨ ଗାନ୍ଧୀ ଜୟନ୍ତ୍ରୀରେ ସଭିଏଁ ଖଦି ବସ୍ତ୍ର କିଣିବା ସହ ପରିଧାନ କରିବାକୁ ମୋଦିଜୀ କହିଛନ୍ତି । କାର୍ଯ୍ୟକ୍ରମରେ ରାଜ୍ୟ ସମ୍ପାଦକ ସରୋଜ କର, ରାଜ୍ୟ ମୁଖପାତ୍ର ସୁଦିପ୍ତ କୁମାର ରାୟ, ଖୋର୍ଦ୍ଧା ଜିଲ୍ଲା ସଭାପତି ବିଶ୍ୱରଞ୍ଜନ ବଡ଼ଜେନା, ଜିଲ୍ଲା ଉପସଭାପତି ଡାକ୍ତର ବେହେରା, ମଣ୍ଡଳ ସଭାପତି ସ୍ମୃତିରଞ୍ଜନ ଚୌଧୁରୀ, ବୁଥ୍ ସଭାପତି ଶ୍ରୀଧର ବେହେରା, ପଂଚାୟତ ସଭାପତି ଦିବ୍ୟସିଂହ ମହାପାତ୍ର, ପୂର୍ବତନ ଜିଲ୍ଲା ସଭାପତି ଅଜୟ ମିଶ୍ର, ପୂର୍ବତନ ଜିଲ୍ଲା ପରିଷଦ ନରେନ୍ଦ୍ର କୁମାର ବଡ଼ଜେନା, ବରିଷ୍ଠ ନେତା ପ୍ରତାପ ରାଉତ, ନିକୁଞ୍ଜ କିଶୋର ପଟ୍ଟନାୟକଙ୍କ ସମେତ ବହୁ କାର୍ଯ୍ୟକର୍ତା ଓ ସ୍ଥାନୀୟ ବାସିନ୍ଦା ଉପସ୍ଥିତ ଥିଲେ । ରାଜ୍ୟର ପ୍ରତ୍ୟେକ ନିର୍ବାଚନମଣ୍ଡଳୀରେ ଏହି “ମନ କି ବାତ” କାର୍ଯ୍ୟକ୍ରମ ଆୟୋଜନ କରାଯାଇଥିଲା ।
ଭୁବନେଶ୍ୱରରୁ ଗିରିଧାରୀ ଲାଲ ଷଡ଼ଙ୍ଗୀଙ୍କ ରିପୋର୍ଟ ଫଟୋ ନ୍ୟୁଜ ଟାଇମସ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଜୀଙ୍କ ୧୨୬ତମ ‘ମନ୍ କି ବାତ୍’ କାର୍ଯ୍ୟକ୍ରମ,
