ବଜ୍ରାଘାତ ହେଉଛି ପ୍ରାକୃତିକ ବିପର୍ଯୟ। ଏହାକୁ ମୁକାବିଲା କରିବା ପାଇଁ ସରକାର, ସାଧାରଣ ଜନତା ଏବଂ ସ୍ବେଛାସେବୀ ଅନୁଷ୍ଠାନ ମାନେ ପୀଡିତ ବ୍ୟକ୍ତି ମାନଙ୍କୁ ତୁରନ୍ତ ସହଯୋଗ କରିବାର ଆବଶ୍ୟକତା ଅଛି। ଏଭଳି ଏକ ଘଟଣା ଘଟିଛି ରାୟଗଡା ଜିଲ୍ଲାରେ।
ବଜ୍ରାଘାତରେ ୩ ଜଣ ଅସୁସ୍ଥ। ସୋନାଲି,ରୁପାଲୀ ଓ କାଜଲ। ଦୁଇ ଗୁରୁତର ଥିବା ବେଳେ ଜଣେ ସୁସ୍ଥ ଥିବା ଦେଖିବାକୁ ମିଳିଛି। ସୁସ୍ଥ କରିବାକୁ ସଂଗ୍ରାମ କରୁଥିଲେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଗୁଡ଼ାରୀର କର୍ମଚାରୀ । ୧୦୮ଆମ୍ବୁଲାନ୍ସ ଓ ଆମ୍ବୁଲାନ୍ସ ଅଭାବ ଯୋଗୁଁ ବୋଲର ଯୋଗେ ଉପଖଣ୍ଡ ସ୍ୱାସ୍ଥ୍ୟକେନ୍ଦ୍ର ଗୁଣୁପୁର ସ୍ଥାନାନ୍ତରିତ କରିବା ଦେଖିବାକୁ ମିଳିଛି । ସୋନାଲି ଓ ରୁପାଲୀ ୨ ଜଣ ଗୁରୁତର ଥିବାରୁ ୧୦୮ ଆମ୍ବୁଲାନ୍ସ ଯୋଗେ ସ୍ଥାନାନ୍ତରିତ କରିଥିବା ବେଳେ କାଜଲକୁ ବୋଲର ଯୋଗେ ନିଆଯାଇଥିଲା ।
ସୂଚନା ମୁତାବକ ଗୁଡ଼ାରୀ ସଦର ଗୌଡ଼ ସାହିର ତିନିଜଣ ମହିଳା ଭୋଜି ଖାଇବା ପାଇଁ ନିକଟସ୍ଥ ବାଟିଆ ବିଲ ଗ୍ରାମକୁ ସୋନାଲି ଗୌଡ଼ ୧୮ ବର୍ଷ, ରୁପାଲୀ ଗୌଡ଼ ୨୦ ବର୍ଷ ନବ ବିବାହିତ ଓ କାଜଲ ଗୌଡ଼ ୨୦ ବର୍ଷ ନବ ବିବାହିତ ତିନିଜଣ ମହିଳା ନିକଟସ୍ଥ ବାଟିଆ ବିଲ ଗ୍ରାମକୁ ଭୋଜି ଖାଇବାକୁ ଯାଇଥିଲେ। ଭୋଜି ଖାଇ ଫେରିବା ବାଟରେ ୩ ଘଣ୍ଟା ସମୟରେ ଅଚାନକ ଘଡଘଡି ବିଜୁଳି ସାଙ୍ଗକୁ ବର୍ଷା ହୋଇଥିଲା। ଫଳରେ ବଜ୍ରାଘାତରେ ତିନିଜଣ ମୁର୍ଚ୍ଛା ହୋଇଯାଇଥିଲେ।
ସ୍ଥାନୀୟ ଲୋକେ ଉଦ୍ଧାର କରି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଗୁଡ଼ାରୀରେ ଭର୍ତ୍ତି କରିଥିଲେ। ସ୍ୱାସ୍ଥ୍ୟକେନ୍ଦ୍ରରେ ପ୍ରାଥମିକ ଚିକିତ୍ସା ପରେ ୧୦୮ ଆମ୍ବୁଲାନ୍ସ ଯୋଗେ ୨ ଜଣକୁ ଓ ବୋଲର ଯୋଗେ ଜଣକୁ ଉପଖଣ୍ଡ ସ୍ତରୀୟ ସ୍ୱାସ୍ଥ୍ୟକେନ୍ଦ୍ର ଗୁଣୁପୁର ସ୍ଥାନାନ୍ତରିତ କରାଯାଇଛି ବୋଲି ଡାକ୍ତର ସ୍ୱାଗତ ସ୍ୱାଇଁ ସୂଚନା ଦେଇଛନ୍ତି।
ରାୟଗଡାରୁ ଫୋଟୋ ନ୍ୟୁଜ ଟାଇମସର ସ୍ୱତନ୍ତ୍ର ପ୍ରତିନିଧି ପ୍ରସାଦ ଲିମାଙ୍କ ରିପୋର୍ଟ।
