ବାଲି ମାଫିଆ ଓ ବନ ବିଭାଗ କର୍ମଚାରୀଙ୍କ କବଳରେ ବାଲୁଖଣ୍ଡ ଅଭୟାରଣ୍ୟ ଲୁଣା ବାଲି। ଶହ ଶହ ଏକର ନିଷେଧାଞ୍ଚଳ ବନ ବିଭାଗ ଜମିରୁ ଲୁଣା ବାଲି ଲୁଟ ଘଟଣା ଏବେ ସତ ସାମ୍ନାକୁ ଆସିଛି। ରାତି ଅଧରେ ଲୁଟ ହୋଇଛି ଲୁଣା ବାଲି। ମିଳି ଭଗତରେ ସରକାରୀ ଯାଗାରୁ ଚୋରି ହୋଇଛି ଲୁଣା ବାଲି।
ପୁରୀ ଜିଲ୍ଲାର ବାଲୁଖଣ୍ଡ ଅଭୟାରଣ୍ୟ ଝାଉଁ ଜଙ୍ଗଲ ମଝିରୁ ଶହ ଶହ ଏକର ଲୁଣା ଜଙ୍ଗଲ ମଝିରୁ ଲୁଟ ହୋଇଛି ୧୦୦ କୋଟି ଟଙ୍କାର ବାଲି । ଏଭଳି ସଙ୍ଗିନ ଅଭିଯୋଗ ଆସିବା ପରେ ପୁରି ବନ ବିଭାଗ, ସ୍ଥାନୀୟ ପୋଲିସ ଓ ମାଇନ୍ସ ବିଭାଗ କାର୍ଯ୍ୟ ଦକ୍ଷତାକୁ ନେଇ ପ୍ରଶ୍ନ ଉଠିଛି । ଛଇତନା ରାମଚଣ୍ଡୀ ମେରାଇନ ଡ୍ରାଇଭ ରାସ୍ତାର ବାମ ପାର୍ଶ୍ୱରେ ତିନୋଟିରୁ ଉର୍ଦ୍ଧ୍ବ ସ୍ଥାନରୁ ନିଷେଧାଞ୍ଚଳରୁ ଲକ୍ଷ ଲକ୍ଷ ଝାଉଁ ଗଛ କଟାଯାଇ ବେଆଇନ ଭାବରେ ଲୁଣା ବାଲି ଲୁଟ ହେବା ଘଟଣା ଅଭିଯୋଗ ଆସିବା ପରେ ସତ ସାମ୍ନାକୁ ଆସିଛି । ବାଲୁଖଣ୍ଡ ଅଭୟାରଣ୍ୟ ଧ୍ବଂସ ହେବା ଆଶଙ୍କା ସୃଷ୍ଟି ହୋଇଛି ।
ସେପଟେ ବାଲୁଖଣ୍ଡ ଅଭୟାରଣ୍ୟ ଜମିରୁ ଝାଉଁ ଗଛ ଲୁଟ ସାଙ୍ଗକୁ ଲୁଣା ବାଲି ଲୁଟ ହେଉଛି। ପୁରି ଜିଲ୍ଲା ବନ ବିଭାଗ କେବଳ ନୋଟିସ ବୋର୍ଡରେ ସିମିତ ଥିବା ନେଇ ପ୍ରଶ୍ନ ଉଠିଛି । ଏହି ଅଭିଯୋଗ ସମ୍ପର୍କରେ ବନ ବିଭାଗ, ସ୍ଥାନୀୟ ପୋଲିସ ଓ ମାଇନ୍ସ ବିଭାଗର ପ୍ରତିକ୍ରିୟା ପାଇଁ ଚେଷ୍ଟା କରାଯାଇଥିଲେ ସୁଦ୍ଧା କୌଣସି ପ୍ରତିକ୍ରିୟା ମିଳିପାରିନାହିଁ ।
ପୁରୀରୁ ଲକ୍ଷ୍ମଣ ପଣ୍ଡାଙ୍କ ରିପୋର୍ଟ ଫଟୋ ନ୍ୟୁଜ ଟାଇମସ।
