ବିଶ୍ବ ଆଦିବାସୀ ଦିବସ ଅବସରରେ ଆଦିବାସୀ ମାନଙ୍କ ସୁରକ୍ଷା, ହକ ଓ ଅଧିକାର ପାଇଁ ଲଢେଇ କରି ଅନେକ ଆଦିବାସୀ ନିଜର ଜୀବନକୁ ବଳିଦାନ ଦେଇଛନ୍ତି। ଡିସେମ୍ବର ୧୯୯୪ ରେ ମିଳିତ ଜାତିସଙ୍ଘର ସାଧାରଣ ସଭାରେ “ଅଗଷ୍ଟ ୯, ବିଶ୍ୱ ଆଦିବାସୀ ଦିବସ” ନିଷ୍ପତ୍ତି ଆଧାରରେ ଅଗଷ୍ଟ ୧୯୯୫ ଠାରୁ ସାରା ବିଶ୍ୱରେ ଏହି ଦିବସ ପାଳିତ ହୋଇଆସୁଅଛି । ଏହି ଅବସରରେ ସଦର ଗୁଣୁପୁର ଠାରେ ଆଦିବାସୀ ସଂଘର୍ଷ ମୋର୍ଚ୍ଚାର ଓଡିଶା ରାଜ୍ୟ କମିଟି ସଭାପତି ତ୍ରୀପତି ଗମାଙ୍ଗଙ୍କ ନେତୃତ୍ୱରେ ଆଦିବାସୀ ସଂଘର୍ଷ ମୋର୍ଚ୍ଚା ତରଫରୁ ସ୍ଥାନୀୟ ନୁଆ ବସ ଷ୍ଟାଣ୍ଡ ଠାରୁ ଏକ ବିଶାଳ ଗଣ ଶୋଭାଯାତ୍ରା ବାହାରି ଅଛି। ଆଦିବାସୀ ମାନଙ୍କ ପାରମ୍ପରିକ ବାଦ୍ୟର ତାଳେ ତାଳେ ନୃତ୍ୟ,ଗୀତ ସହ ଆଦିବାସୀ ମାନଙ୍କ ସୁରକ୍ଷା, ହକ ଓ ଅଧିକାର ନିମନ୍ତେ ଆଦିବାସୀଙ୍କ ଜନ ଗର୍ଜନରେ ସଦର ଗୁଣପୁର ପ୍ରକମ୍ପିତ ହୋଇଥିଲା । ପରେ ପରେ ସ୍ଥାନୀୟ ବିଜୁ କଲ୍ୟାଣ ମଣ୍ଡପ ଠାରେ ପହଞ୍ଚି ଗରିବ, ନିଷ୍ପେସିତ, ଅବହେଳିତ, ଆଦିବାସୀ ମାନଙ୍କ ଭାଗ୍ୟ ବିଧାତା, ଆଦିବାସୀ ମାନଙ୍କ ସୁରକ୍ଷା, ହକ ଓ ଅଧିକାର ପାଇଁ ଲଢେଇ କରି ନିଜ ଜୀବନକୁ ବଳିଦାନ ଦେଇଥିବା ମହାନ ଜନ ନାୟକ ସହୀଦ ବିର୍ସା ମୁଣ୍ଡାଙ୍କ ପ୍ରତିଛବିରେ ପୁଷ୍ପ ମାଲ୍ୟାର୍ପଣ କରିବା ସହ ଏକ ସ୍ମୃତି ଆଲୋଚନାଚକ୍ର ସଭା ଅନୁଷ୍ଠିତ ହୋଇଥିଲା ।
ଉକ୍ତ ସଭାରେ ମୁଖ୍ୟ ଅତିଥିଭାବେ ସିପିଆଇ (ଏମ୍ଏଲ) ଲିବରେସନର ରାଜ୍ୟ ସମ୍ପାଦକ ଯୁଧିଷ୍ଟିର ମହାପାତ୍ର ଯୋଗଦେଇ କେନ୍ଦ୍ର ଓ ରାଜ୍ୟ ସରକାରଙ୍କ ଆଦିବାସୀ ବିରୋଧୀ ନିତି ବିରୁଦ୍ଧରେ ବକ୍ତବ୍ୟ ପ୍ରଦାନ କରିଥିଲେ। ନିଜ ବକ୍ତବ୍ୟରେ ଶ୍ରୀ ମହାପାତ୍ର ସରକାର ଆଦିବାସୀଙ୍କ ବିକାଶ ନାମରେ ଭାଷା, ସଂସ୍କୃତି, ପରମ୍ପରା ଓ ପ୍ରକୃତି ଧର୍ମକୁ ଲୋପ କରିବା ଉଦ୍ଧେଶ୍ୟରେ ଚକ୍ରାନ୍ତ ଚାଲିଛି ବୋଲି ମତ ପ୍ରକାଶ କରିଥିବା ବେଳେ ଆଦିବାସୀ ମାନଙ୍କ ହକ ଓ ଅଧିକାର ସମ୍ପର୍କରେ ଦାବୀ ରଖିଥିଲେ। ଦାବୀ ଗୁଡ଼ିକ ମଧ୍ୟରେ ସରକାର ଆଦିବାସୀ ଭାଷା ଓ ଲିପିକୁ ସାମ୍ଭିଧାନିକ ଅଧିକାର ଦିଆଯାଉ । ବିକାଶ ନାମରେ ପ୍ରାକୃତିକ ସମ୍ପଦକୁ ଲୁଣ୍ଠନ କରିବା ବନ୍ଦ କରାଯାଉ। ଦେଶର ସମ୍ବିଧାନ ଓ ପେସା ଆଇନରେ ଆଦିବାସୀର ଜମି, ଜଳ, ଜଙ୍ଗଲ ଉପରେ ଥିବା ଅଧିକାରକୁ ଛଡେଇ ନେବା ଷଡଯନ୍ତ୍ର ଉଦ୍ଧେଶ୍ୟ ବନ୍ଦ କରୁ। ପୁରୁଷ ପୁରୁଷ ଧରି ଆଦିବାସୀ ମାନେ ଶୋଷଣ ଓ ଠକେଇର ଶିକାର ହେଉଛନ୍ତି, ଏହାକୁ ବନ୍ଦ କରାଯାଉ । ୨୦୦୬ ଜଙ୍ଗଲ ଅଧିକାର ଆଇନ କାର୍ଯ୍ୟକାରୀ କରାଯାଉ। ଆଦିବାସୀ ମାନେ ପୂର୍ବ ପୁରୁଷରୁ ଭୋଗ ଦଖଲରେ ଥିବା ଜମି ଗୁଡ଼ିକୁ ଓଡିଶା ଓ ଆନ୍ଧ୍ର ପ୍ରଦେଶର ଜମି ମାଫିଆ ମାନେ ଆଦିବାସୀ ମାନଙ୍କ ଠାରୁ ରାଜସ୍ବ ବିଭାଗ ସହ ମଧୁଚନ୍ଦ୍ରିକା ସ୍ଥାପନ କରି ହଡପ କରୁଛନ୍ତି। ସରକାର ଆଦିବାସୀଙ୍କ ଦୁଖ ଦୁର୍ଦଶାକୁ ପରିହାସ କରି ବଡ ବଡ କମ୍ପାନୀ ମାନଙ୍କୁ ଜମି ଅଧିକାର ଦେବା ବନ୍ଦ କରାଯାଉ । ଏହି ପରିପ୍ରେକ୍ଷୀରେ କୈଳାସ ଶବର, ଅନାସିମ ଶବର,ଅନିରୁଦ୍ଧ ନିଶିକା, ନିରଞ୍ଜନ ବିଡିକା, ତ୍ରିପତି କାଡ୍ରାକା, ଆଚାନା ମଣ୍ଡାଗିଂ, ମାଥ୍ୟୁ ରଇତ, ସଂଜୀବ ଶବର , ରାଜେନ୍ଦ୍ର ମାଝୀ, ମାଧବ କାଡ୍ରାକା, ସିମାଦ ପାତିକା, ଅଷ୍ଟମ ଉଲକା, ରମେଶ ବିଡିକା , ମଜେଶ ଶବର ,ବାସୁ ମାମ୍ଭାଲାକା, ପୁଷ୍ପା ବିଡିକା, ସୋମନାଥ ମାଝୀ , ପିକିଂ ଶବର,ମୁନି ଶବର, ଅଗୟ ଶବରଙ୍କ ସମେତ ଶତାଧିକ ମହିଳା ଓ ପୁରୁଷ ମାନେ ଉପସ୍ଥିତ ରହିଥିବା ଦେଖିବାକୁ ମିଳିଛି।
ଫଟୋ ନ୍ୟୁଜ ଟାଇମସର ସାମ୍ବାଦିକ ପ୍ରସାଦ ଲିମାଙ୍କ ଏବଂ ଗଣେଶ କୋଲାଙ୍କ ରିପୋର୍ଟ।
