ମହୁମାଛି ଆକ୍ରମାଣରେ ଗର୍ଭବତୀ ମହିଳା ଶହ ୩ବର୍ଷର ଶିଶୁ କନ୍ୟା ଗୁରୁତର। ଚାଷ ଜମିରେ କାମକରୁଥିବା ଲୋକଙ୍କ ଦ୍ୱାରା ଉଦ୍ଧାର ହୋଇଥିଲେ ଗର୍ଭବତୀ ମହିଳା ଓ କୁନିଝିଅ। ମହିଳା ଜଣକ ଗୁରୁତର ଅବସ୍ଥାରେ ଥିବାରୁ ରାୟଗଡା ଜିଲ୍ଲା କଲ୍ୟାଣସିଂହପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ଏହିଭଳି ଅଭାବନୀୟ ଘଟଣା ଘଟିଛି ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ନାରାୟଣ ପୁର ପଞ୍ଚାୟତ ଦୂଲଦୁଲିଗୁଡା ଗାଁ ନିକଟରେ।
ଗର୍ଭବତୀ ମା ମଞ୍ଜୁଳା ହିଆଲ ତା ତିନି ବର୍ଷ ର ଝିଅ ସହ ଦୂଲଦୁଲିଗୁଡା ଛକ ନିକଟକୁ ସ୍ୱାମୀ ବସରେ ପଠାଇ ଥିବା ସାମଗ୍ରୀ ଆଣିବାକୁ ଯାଇଥିବା ସମୟରେ ରାସ୍ତା କଡରେ ଥିବା ବଟ ବୃକ୍ଷ ଶାଖାରେ ମହୁ ଫେଣା କରିଥିବା ମହୁମାଛି ଆକ୍ରମଣ ରେ ଶିକାର ହୋଇଥିଲେ ।
ଏହି ସମୟରେ ନିକଟସ୍ଥ ଚାଷଜମିରେ କାମ କରୁଥିବା କିଛି ଯୁବଙ୍କ ଦ୍ୱାରା ଉଦ୍ଧାର ହୋଇ ସେହି ରାସ୍ତା ଦେଇ ଆସୁଥିବା ବିଦ୍ୟୁତ ବିଭାଗ ର ଗାଡି ସାହାଯ୍ୟରେ କଲ୍ୟାଣସିଂହପର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା ହୋଇଥିଲେ।
ଏହି ସମ୍ପର୍କରେ କାର୍ଯ୍ୟରତ ଡାକ୍ତର ଆଶିଷ ମେହେର ଙ୍କ ଶହ ଯୋଗାଯୋଗ କରିବାରୁ ମହୁମାଛି ଆକ୍ରମାଣରେ ଗୁରୁତରରେ ଆସିଥିବା ଗର୍ବବତୀ ମହିଳା ଙ୍କୁ ପ୍ରାଥମିକ ଚିକିତ୍ସା କରାଯାଇଛି। ଯେହେତୁ ସେ ଗର୍ଭବତୀ ଅଛନ୍ତି ଉଚ୍ଚତର ଚିକିତ୍ସା ପାଇ ରାୟଗଡା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରାଯାଇଛି। ସୂଚନା ମୁତାବକ ଉଦ୍ଧାର କରିବାକୁ ଯାଇଥିବାଥିବା ତ୍ରିଲୋଚନ କୌଶଲ୍ୟା ( ୬୫ ) ଙ୍କୁ ମଧ୍ୟ ମହୁମାଛି ଆକ୍ରମଣ କରିଥିବା ସୂଚନା ରହିଛି।
ମହୁମାଛି ଆକ୍ରମଣର ଶିକାର ହେଉଥିବା ବ୍ୟକ୍ତିଙ୍କୁ ସରକାରୀ ସହାୟତାର ଆବଶ୍ୟକତା ଅଛି ବୋଲି ବୁଦ୍ଧିଜୀବୀ ମାନେ ମତ ଦେଉଛନ୍ତି।
ରାୟଗଡାରୁ ଫଟୋ ନ୍ୟୁଜ ଟାଇମସ ର ସାମ୍ବାଦିକ ମନୋରଞ୍ଜନ ଶତପଥୀଙ୍କ ରିପୋର୍ଟ।
