ଓଡ଼ିଶା ଲଳିତକଳା ଏକାଡେମୀ ପକ୍ଷରୁ ଚିତ୍ରକଳା ପ୍ରଦର୍ଶନୀ। କଳା, ସଂସ୍କୃତି ଓ ପର୍ଯ୍ୟଟନ ହେଉଛି ଇନ୍ଧନ ବିହୀନ ଶିଳ୍ପ। ଏହାର ଉନ୍ନତି ହେଲେ ସାଧାରଣ ଲୋକଟିର ରୋଜଗାର ବଢିବ। ବାସ୍ତବରେ କଳାକାରଟିଏ ତାର ପ୍ରଶଂସାକୁ ନେଇ ବଞ୍ଚିଥାଏ। ତା ପାଇଁ ରୋଜଗାର ମୁଖ୍ୟ ନଥାଏ। ବିନା ଟଙ୍କାରେ କୌଣସି ବ୍ୟକ୍ତି ଚଳି ପାରେନା। ସରକାର ଏମାନଙ୍କ ର ରୋଜଗାର ପ୍ରତି ଦୃଷ୍ଟି ଦେବାର ଆବଶ୍ୟକତା ଅଛି।
ସେ ଯାହାବି ହେଉ ଭୁବନେଶ୍ୱର ସ୍ଥିତ ଜୟଦେବ ଭବନ ଠାରେ ପୁଣ୍ୟଶ୍ଳୋକା ଅହଲ୍ୟାବାଈ ହୋଲକାରଙ୍କର ୩୦୦ତମ ଜୟନ୍ତୀ ଅବସରରେ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ଓଡ଼ିଶା ଲଳିତ କଳା ଏକାଡେମୀ ପକ୍ଷରୁ ଅହଲ୍ୟାବାଈ ହୋଲକାରଙ୍କ ଜୀବନୀକୁ ଆଧାର କରି ଏକ ଚିତ୍ରକଳା ପ୍ରଦର୍ଶନୀର ଆୟୋଜନ କରାଯାଇଥିଲା। ଏହି ପ୍ରଦର୍ଶନୀକୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଉଦ୍ଘାଟନ କରିଥିଲେ। ଚିତ୍ରକଳା ପ୍ରଦର୍ଶନୀରେ ଅହଲ୍ୟାବାଈ ହୋଲକାରଙ୍କ ଜୀବନୀ ଓ ତାଙ୍କର ଜୀବନ ଆଦର୍ଶକୁ ଚିତ୍ରଶିଳ୍ପୀମାନେ ଖୁବ୍ ସୁନ୍ଦର ଭାବରେ ଚିତ୍ରିତ କରିଥିଲେ। ଏହି ପ୍ରଦର୍ଶନୀରେ ପ୍ରଦର୍ଶିତ ହୋଇଥିବା ସମସ୍ତ ସୁନ୍ଦର ଚିତ୍ରକଳାଗୁଡ଼ିକୁ ମୁଖ୍ୟମନ୍ତ୍ରୀ ନିଜେ ବୁଲି ଦେଖିବା ସହିତ ଚିତ୍ରଶିଳ୍ପୀମାନଙ୍କୁ ଉତ୍ସାହିତ କରିଥିଲେ।
ଆଜିର ଏହି କାର୍ଯ୍ୟକ୍ରମରେ ବାଚସ୍ପତି ଶ୍ରୀମତୀ ସୁରମା ପାଢ଼ୀ, ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡ଼ା, ଗୃହ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ମନ୍ତ୍ରୀ ସୂର୍ଯ୍ୟବଂଶୀ ସୂରଜ, ଏକାମ୍ର ବିଧାୟକ ବାବୁ ସିଂ, ବ୍ରହ୍ମଗିରି ବିଧାୟକ ଶ୍ରୀମତୀ ଉପାସନା ମହାପାତ୍ର ପ୍ରମୁଖ ଉପସ୍ଥିତ ରହିଥିଲେ।
ଭୁବନେଶ୍ୱର ରୁ ଅମ୍ଳାନ ଦାସଙ୍କ ରିପୋର୍ଟ।
