ଜାତୀୟ ମହିଳା କମିଶନ,ନୂଆଦିଲ୍ଲୀ ଙ୍କ ଖୋର୍ଦ୍ଧା ଠାରେ ମହିଳା ଜନଶୁଣାଣି ଅନୁଷ୍ଠିତ l ଜାତୀୟ ମହିଳା କମିଶନ ସଦସ୍ୟା ଡ. ଅର୍ଚ୍ଚନା ମଜୁମଦାରଙ୍କ ଅଧ୍ୟକ୍ଷତାରେ ଜାତୀୟ ମହିଳା କମିଶନ, ନୂଆ ଦିଲ୍ଲୀର ଏକ ତିନିଜଣିଆ ଟିମ୍ ଖୋର୍ଦ୍ଧା ଜିଲ୍ଲାପାଳ ଙ୍କ କାର୍ଯ୍ୟାଳୟ ଜୟୀ ରାଜଗୁରୁ ସମ୍ମିଳନୀ କକ୍ଷରେ ଜାତୀୟ ମହିଳା କମିଶନ ଙ୍କ ନିକଟରେ ପଞ୍ଜୀକୃତ ହୋଇଥିବା ଖୋର୍ଦ୍ଧା ଜିଲ୍ଲା କୁ ନେଇ, ପୁରୀ, କଟକ, ଜଗତସିଂହପୁର, ନୟାଗଡ଼ , ଗଞ୍ଜାମ ଓ ଭୁବନେଶ୍ୱର ର ବିଭିନ୍ନ ଅଭିଯୋଗ ସମ୍ବନ୍ଧୀୟ ମହିଳା କେଶ୍ ଗୁଡ଼ିକର ଶୁଣାଣି କରିଥିଲେ l
ମହିଳା କମିଶନ ସଦସ୍ୟା ଡ. ମଜୁମଦାରଙ୍କ ସହିତ ମହିଳା କମିଶନ, ନୂଆ ଦିଲ୍ଲୀର କର୍ମକର୍ତ୍ତା ଶ୍ରୀ ମନମୋହନ ଶର୍ମା, ନେହା ମହାଜନ ଗୁପ୍ତା, ଓଡ଼ିଶା ମହିଳା କମିଶନ ସଦସ୍ୟା ଶ୍ରୀମତୀ ଉର୍ମିଳା ମହାପାତ୍ର, ଜିଲ୍ଲା ପାଳ ଏବଂ ଜିଲ୍ଲା ମାଜିଷ୍ଟ୍ରେଟ ଶ୍ରୀ ଅମ୍ରିତ୍ ଋତୁରାଜ, ଆରକ୍ଷୀ ଅଧିକ୍ଷକ ଶ୍ରୀ ବିବେକାନନ୍ଦ ଶର୍ମା, ଜିଲ୍ଲା ଆଇନ ସେବା ପ୍ରାଧିକରଣ, ଉପମୁଖ୍ୟ ପ୍ରତିପକ୍ଷ ଓକିଲ ଶ୍ରୀ ପ୍ରଫୁଲ୍ଲ କୁମାର ସାହୁ ଯୋଗଦେଇଥିଲେ l
ଜାତୀୟ ମହିଳା କମିଶନ ଙ୍କ ନିକଟରେ ପଞ୍ଜୀକୃତ ହୋଇଥିବା ୬ ଗୋଟି ଜିଲ୍ଲାର ମୋଟ ୯୬ ଗୋଟି ଅଭିଯୋଗ ତଥା କେଶ୍ ଗୁଡ଼ିକୁ ଡି. ମଜୁମଦାର ବିଚାର କରି ୨୬ ଗୋଟି ମହିଳା ନିର୍ଯ୍ୟାତନା କେଶ୍ ଗୁଡ଼ିକର ବିଚାର କରି ସମାଧାନ କରିଥିବା ବେଳେ ଅନ୍ୟ କେଶ୍ ଗୁଡ଼ିକର ତଦନ୍ତ ନିମନ୍ତେ ସମ୍ରୁକ୍ତ ବିଭାଗୀୟ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଥିଲେ l ଜିଲ୍ଲାପାଳଙ୍କ ନିର୍ଦ୍ଦେଶରେ ଅତିରିକ୍ତ ଜିଲ୍ଲାପାଳ, ରାଜସ୍ବ ଶ୍ରୀ ସାଫଲ୍ୟ ମଣ୍ଡିତ ପ୍ରଧାନ, ଅତିରିକ୍ତ ଜିଲ୍ଲାପାଳ, ପ୍ରଶାସନ ଶ୍ରୀ ପ୍ରତାପ ଚନ୍ଦ୍ର ବେଉରା ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଡେପୁଟୀ କଲେକ୍ଟର, ନ୍ୟାୟିକ, ଅନନ୍ୟା ସୃଷ୍ଟି ଶଥପଥୀ, ଡେପୁଟୀ କଲେକ୍ଟର, ରାଜସ୍ବ ନିବେଦିତା ପରିଡ଼ା, ଜିଲ୍ଲା ସମାଜ କଲ୍ୟାଣ ଅଧିକାରୀ କୁସୁମ କୁମାରୀ ପ୍ରହରାଜ , ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶ୍ରୀମତୀ ବାଣିଶ୍ରୀ ପଟ୍ଟନାୟକ ପ୍ରମୁଖ କେଶ୍ ଗୁଡ଼ିକର ବିଚାର କରିବାରେ ସହଯୋଗ ପ୍ରଦାନ କରିଥିଲେ l
ଆଜିର ଏହି ଜାତୀୟ ମହିଳା କମିଶନ,ନୂଆଦିଲ୍ଲୀ ଙ୍କ ମହିଳା ଜନଶୁଣାଣି (ଜନ ଶୁନ ୱାୟୀ) ରେ ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ, ଖୋର୍ଦ୍ଧା, ଲକ୍ଷ୍ମଣ କୁମାର ବେହେରା ଙ୍କ ସମେତ ସଂପୃକ୍ତ ୬ ଗୋଟି ଜିଲ୍ଲାର ବରିଷ୍ଟ ପୋଲିସ୍ ଅଧିକାରୀ, ଥାନା ଅଧିକାରୀ, ଜିଲ୍ଲା ସମାଜ କଲ୍ୟାଣ ଅଧିକାରୀ , ଜିଲ୍ଲା ଶିଶୁ ସୁରକ୍ଷା ଅଧିକାରୀ,ଓକିଲ , ଅଭିଯୋଗ କାରୀ ପକ୍ଷ ଓ ପ୍ରତିପକ୍ଷ ଏବଂ ଗଣମାଧ୍ୟମ ପ୍ରତିନିଧି ବୃନ୍ଦ ଯୋଗଦେଇଥିଲେ।
ଖୋର୍ଦ୍ଧାରୁ ମନୋଜ କୁମାର ସାହୁଙ୍କ ରିପୋର୍ଟ, ଫଟୋ ନ୍ୟୁଜ ଟାଇମସ।
