ଟିଟିଲାଗଡ ବ୍ଲକ କାର୍ଯ୍ୟାଳୟ ରେ ଜିପିଏଲ୍ଏଫ୍ କର୍ମୀ ସଙ୍ଘ ର ଗଣ ଧାରଣା।

ଅଲ ଓଡ଼ିଶା ଜିପିଏଲଏଫ୍ କର୍ମୀ ସଙ୍ଘ ତରଫ ରୁ ଦିଆଯାଇଥିବା କାର୍ଯ୍ୟ ବନ୍ଦ ଡାକରା କୁ ସମର୍ଥନ କରି ଟିଟିଲାଗଡ ଶାଖା ପକ୍ଷରୁ ମଧ୍ୟ ଆଜିଠାରୁ ସ୍ଥାନୀୟ ଗୋଷ୍ଠୀ ଉନ୍ନୟନ ଅଧିକାରୀଙ୍କ କାର୍ଯ୍ୟାଳୟ ଆଗରେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଟିଟିଲାଗଡ ବ୍ଲକ ର ଜିପିଏଲଏଫ୍ କର୍ମୀ ସଙ୍ଘ ଗଣ ଧାରଣା ରେ ବସିଛନ୍ତି। ଆଜକୁ ପ୍ରାୟ ୬ ମାସ ପୂର୍ବ ରୁ ପୂର୍ବ ପାରିଶ୍ରମିକ ଅନୁସାରେ ଦରମା ଦେବା କୁ ଦାବି କରାଯାଇଥିଲେ ମଧ୍ୟ ତାହା ସମାଧାନ ହୋଇପାରିନାହିଁ । ଆଗରୁ ଗତ ୧୫ ତାରିଖ ରେ ଉପରିସ୍ଥ ଅଧିକାରୀଙ୍କ ନିକଟରେ ଦାବି ଜଣାଇଥିଲେ ମଧ୍ୟ ଏ ପର୍ଯ୍ୟନ୍ତ କୌଣସି କାର୍ଯ୍ୟକାରୀ ହୋଇନାହିଁ। ଫଳରେ ରାଜ୍ୟ ଶାଖାର ଆହ୍ଵାନକ୍ରମେ ରାଜ୍ୟର ୩୧୪ ଟି ବ୍ଲକ ଆଗରେ ଗଣ ଧାରଣା ଦେଉଥିବା ଜିପିଏଲଏଫ୍ କର୍ମୀ ସଙ୍ଘ ପ୍ରକାଶ କରିଛନ୍ତି। ଟିଟିଲାଗଡ ବ୍ଲକ ର ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀଯୁକ୍ତ ଚନ୍ଦ୍ରମଣି ନାଗ ଙ୍କୁ ଦାବି ପତ୍ର ଦେଇ ତତ୍ ସଙ୍ଗେ ସଙ୍ଗେ ବ୍ଲକ ର ଓ.ଏଲ.ଏମ କାର୍ଯ୍ୟାଳୟ କୁ ତାଲା ପକାଇଛନ୍ତି। ନିଜର ଦାବି ପୂରଣ ନ ହେବା ପର୍ଯ୍ୟନ୍ତ ଗଣ ଧାରଣା ଚାଲୁରହିବ ବୋଲି ଟିଟିଲାଗଡ ଶାଖା ଜି ପି ଏଲ ଏଫ୍ କର୍ମୀ ସଙ୍ଘ ପକ୍ଷ ରୁ ଜଣା ପଡ଼ିଛି।
ବଲାଙ୍ଗୀର ରୁ ଜିଲ୍ଲା ସ୍ତରୀୟ ସାମ୍ବାଦିକ ଗିରିଧାରୀ ମହାନନ୍ଦ ଙ୍କ ରିପୋର୍ଟ, ଫଟୋ ନ୍ୟୁଜ ଟାଇମସ।