ଟିଟିଲାଗଡ଼ ବ୍ଲକ୍ ଅନ୍ତର୍ଗତ ବିଜେପୁର ଆଞ୍ଚଳିକ ସାଧନ କେନ୍ଦ୍ର ରେ ସଂଯୋଜକ ଶ୍ରୀ ଗୋପାଳ ସିଂହ ସୁନା ଙ୍କ ତତ୍ବାବଧାନରେ କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ ସୁରଭି ୨୦୨୫ କାର୍ଯ୍ୟକ୍ରମ ରେ ବିଜେପୁର ଉଚ୍ଚ ବିଦ୍ୟାଳୟ ରେ ଅନୁଷ୍ଠିତ ହୋଇଯାଇଛି l ଓଡ଼ିଶା ସରକାରଙ୍କ ବିଦ୍ୟାଳୟ ଓ ଗଣଶିକ୍ଷା ବିଭାଗ ର ନିର୍ଦ୍ଦେଶ ଅନୁସାରେ ବିଭିନ୍ନ ବିଦ୍ୟାଳୟ ର ଛାତ୍ର/ଛାତ୍ରୀ ବିଭିନ୍ନ ପ୍ରତିଯୋଗୀତା ରେ ଭାଗ ନେଇ ନିଜ ନିଜ ପ୍ରତିଭା ଦେଖାଇଥିଲେ l
ବିଶେଷ ଭାବେ ଆକର୍ଷଣ ଥିଲା FLN ସ୍ତର ର ଛାତ୍ର /ଛାତ୍ରୀ ଙ୍କ ପ୍ରତିଯୋଗୀତା ଓ ସେମାନଙ୍କ ଅଂଶ ଗ୍ରହଣ କାରଣ କୁନି କୁନି ଛାତ୍ର/ଛାତ୍ରୀ ମାନଙ୍କ ପାଇଁ ଗଣିତ କୁଇଜ୍ , ଗଣିତ ଦୌଡ଼ , ଚିତ୍ରାଙ୍କନ ଓ ଗଳ୍ପକଥନ ଭଳି ବିଭିନ୍ନ ପ୍ରତିଯୋଗୀତା ଥିଲା l ଏହି ସୁରଭି କାର୍ଯ୍ୟକ୍ରମ ରେ ବିଭିନ୍ନ ଛାତ୍ର/ ଛାତ୍ରୀ ଅଂଶଗ୍ରହଣ କରିଥିଲେ ଓ କୃତି ଛାତ୍ର/ଛାତ୍ରୀ ମାନଙ୍କୁ ପ୍ରମାଣ ପତ୍ର ସହିତ ପୁରସ୍କାର ପ୍ରଦାନ କରାଯାଇଥିଲା ଓ ଦିବ୍ୟାଙ୍ଗ ଛାତ୍ର/ଛାତ୍ରୀ ଙ୍କୁ ଆଉ ପ୍ରେରଣା ଦେବା ପାଇଁ କୃତି ଛାତ୍ର/ଛାତ୍ରୀ ଙ୍କୁ ଅତି ସୁନ୍ଦର ଉପହାର ପ୍ରମାଣ ପତ୍ର ସହିତ ଆୟୋଜକ ତଥା ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଶ୍ରୀ ଗୋପାଳ ସିଂହ ସୁନା ପ୍ରଦାନ କରିଥିଲେ l
ଏହି କାର୍ଯ୍ୟକ୍ରମ ରେ ସନ୍ତୋଷ ମେହେର ମୁଖ୍ୟ ଅତିଥି , ଭରତ ମାଝୀ ଓ ଭୂପେନ୍ଦ୍ର ସାଗର ସମ୍ମାନୀୟ ଅତିଥି , ଦ୍ରୋଣ ତାଣ୍ଡି ସଭାପତି ଙ୍କ ସହ ଅନୋଲା ହୋରୋ , ମମତା ମାଝୀ , ସତ୍ୟଜିତ ପାତ୍ର, ସୁରେନ୍ଦ୍ର ବିଭାର , ସୁଜାତା ଦାସ , ମନୋଜ ପ୍ରଧାନ , କେଶବ ଜାନି , ମୋହିତ ଜାନି , ସୁଶାନ୍ତ ସୁନା , ଓ ଭାସ୍କର ଭରାସାଗର ଙ୍କ ସହିତ ଅନେକ ଶିକ୍ଷକ/ଶିକ୍ଷୟିତ୍ରୀ ଥିବା ସହିତ ବିଚାରକ ମଣ୍ଡଳୀ ରେ ରେବତୀ ନାଗ , ହରିଶଙ୍କର ନାଗ , ନିକିତା ଭୋଇ ଓ ରୋମାଲି ବହିଦାର ଉପସ୍ଥିତ ରହି ନିଜ କାର୍ଯ୍ୟ କୁ ସଠିକ୍ ରୂପେ ସମ୍ପାଦନ କରିଥିଲେ। ଯାହା ଫଳ ରେ ଅଭିଭାବକ ମହଲରେ ଆନନ୍ଦ ବାତାବରଣ ସୃଷ୍ଟି ହୋଇ ଛାତ୍ର/ଛାତ୍ରୀ ଏହି ସୁରଭି କାର୍ଯ୍ୟକ୍ରମ ଦ୍ଵାରା ପ୍ରେରଣା ପାଉଛନ୍ତି ବୋଲି ଆଲୋଚନା ହେଇଥିଲା l
ବଲାଙ୍ଗିର ଜିଲ୍ଲା ସ୍ତରୀୟ ସାମ୍ବାଦିକ ଗିରିଧାରୀ ମହାନନ୍ଦ ଙ୍କ ରିପୋର୍ଟ୍ , ଫଟୋ ନ୍ୟୁଜ ଟାଇମସ୍।
