ମୁଁ ବର୍ଷା ଫଟୋ ନିୟୁଜ, ନିୟୁଜ ରୁମ କୁ ସ୍ୱାଗତ କରୁଛି।ତୃତୀୟ ଦିନରେ ସିଜିମାଳି ଗସ୍ତରେ ଯୁବ କଂଗ୍ରେସ, ଅନୁମତି ବିବାଦ ମଧ୍ୟରେ ରାଜନୀତି ସରଗରମ।
କାଶୀପୁର ବ୍ଲକର ସିଜିମାଳି ଅଞ୍ଚଳକୁ ନେଇ ରାଜନୈତିକ ଚର୍ଚ୍ଚା ମଧ୍ୟରେ ଯୁବ କଂଗ୍ରେସ ତୃତୀୟ ଦିନରେ ମଧ୍ୟ ଗସ୍ତ ଜାରି ରଖିଛି। ପୂର୍ବରୁ ପ୍ରଶାସନିକ ଅନୁମତି ନ ମିଳିବା ନେଇ ବିବାଦ ସୃଷ୍ଟି ହୋଇଥିବାବେଳେ ଦଳୀୟ ନେତୃତ୍ୱ ଏହାକୁ ଲୋକଙ୍କ ସମସ୍ୟା ଜାଣିବାର ଉଦ୍ୟମ ବୋଲି କହିଛନ୍ତି।
ଗସ୍ତ ସମୟରେ ଅଲ୍ ଇଣ୍ଡିଆ ଯୁବ କଂଗ୍ରେସ ଇନ୍ଚାର୍ଜ ମନୀଷ ଶର୍ମା, ଯୁବ କଂଗ୍ରେସର ଆସେମ୍ବଲି ଉପ-ସଭାପତି ଅଶୋକ ପୁଆଲା , ରାୟଗଡ଼ା ଆଇଏନ୍ଟିୟୁସି ସଭାପତି ଭବାନୀ ଶଙ୍କର ଜେନା ଓ ଜିଲ୍ଲା କଂଗ୍ରେସ ସଭାପତି ମୋହନ ନାୟକଙ୍କ ସମେତ ବହୁ ନେତା ଉପସ୍ଥିତ ଥିବା ସୂଚନା ମିଳିଛି।
ଯୁବ କଂଗ୍ରେସ ପକ୍ଷରୁ କୁହାଯାଇଛି ଯେ, ସିଜିମାଳି ଅଞ୍ଚଳରେ ସ୍ଥାନୀୟ ଲୋକଙ୍କ ସମସ୍ୟା, ଉନ୍ନୟନ କାର୍ଯ୍ୟ ଓ ଖଣିଜ ପ୍ରକଳ୍ପକୁ ନେଇ ଲୋକଙ୍କ ମତାମତ ଜାଣିବା ପାଇଁ ଏହି ଗସ୍ତ ଆୟୋଜନ କରାଯାଇଛି। ଦଳୀୟ ନେତାମାନେ ଗ୍ରାମବାସୀଙ୍କ ସହ ଆଲୋଚନା କରି ସେମାନଙ୍କ ଅଭିଯୋଗ ଶୁଣିଥିବା କହିଛନ୍ତି।
ଅନ୍ୟପଟେ, ପ୍ରଶାସନ ପକ୍ଷରୁ ଏପର୍ଯ୍ୟନ୍ତ କୌଣସି ଔପଚାରିକ ମତାମତ ଆସିନାହିଁ। ସିଜିମାଳି ପ୍ରସଙ୍ଗକୁ ନେଇ ଜିଲ୍ଲା ରାଜନୀତିରେ ଚର୍ଚ୍ଚା ଜାରି ରହିଛି ଓ ଆଗାମୀ ଦିନରେ ଏହାର ପ୍ରଭାବ ଉପରେ ସମସ୍ତଙ୍କ ନଜର ରହିଛି।
