ରାଜଧାନୀରେ ଗର୍ଜିଲେ ମହମଦ ମୋକିମ, ଓଡିଶା ଜନତା କଂଗ୍ରେସର ଶକ୍ତି ପ୍ରଦର୍ଶନ
ରାଜଧାନୀ ଭୁବନେଶ୍ୱରରେ ଆଜି ଦେଖାଗଲା ଏକ ବିଶାଳ ରାଜନୈତିକ ସମାବେଶ, ଯେଉଁଠାରେ ଗର୍ଜିଉଠିଲେ ମହମଦ ମୋକିମ। ନବଗଠିତ “ଓଡିଶା ଜନତା କଂଗ୍ରେସ” ପକ୍ଷରୁ ଆୟୋଜିତ ଏହି ପ୍ରଥମ ସମାବେଶ ରାଜ୍ୟର ରାଜନୀତିରେ ନୂଆ ସମୀକରଣ ତିଆରି କରିବାର ସଙ୍କେତ ଦେଇଛି।
ମୋକିମଙ୍କ ଡାକରାରେ ପ୍ରାୟ ୨୦ ହଜାରରୁ ଅଧିକ ସମର୍ଥକ ସାରା ଓଡିଶାର ବିଭିନ୍ନ ଜିଲ୍ଲାରୁ ଏକଜୁଟ ହୋଇ ରାଜଧାନୀକୁ ଭିଡ଼ କରିଥିଲେ। ଏହି ବିପୁଳ ଭିଡ଼ ମାଧ୍ୟମରେ ଦଳ ନିଜର ଶକ୍ତି ପ୍ରଦର୍ଶନ କରିଥିବା ବେଳେ, ଆସନ୍ତା ଦିନରେ ଓଡିଶା ରାଜନୀତିରେ ଏକ ଶକ୍ତିଶାଳୀ ବିକଳ୍ପ ହେବାର ସଙ୍କଳ୍ପ ମଧ୍ୟ ଜଣାଇଛି।
ସମାବେଶରେ ଭାଷଣ ଦେଇ ମହମଦ ମୋକିମ କହିଥିଲେ ଯେ, “ଓଡିଶାର ସ୍ୱାର୍ଥ ଆମ ପ୍ରଥମ ପ୍ରାଥମିକତା। ଆମେ ଲୋକଙ୍କ ପାଇଁ କାମ କରିବୁ, ନା କି ସ୍ୱାର୍ଥପର ରାଜନୀତି କରିବୁ।” ସେ ଆହୁରି କହିଥିଲେ ଯେ ରାଜ୍ୟର ଉନ୍ନତି ପାଇଁ ଏକ ସଫା, ସୁସ୍ଥ ଓ ଦାୟିତ୍ୱଶୀଳ ପ୍ରଶାସନ ଆବଶ୍ୟକ।
ମୋକିମ ସମସ୍ତ ପ୍ରମୁଖ ରାଜନୈତିକ ଦଳକୁ ଖୋଲା ଚାଲେଞ୍ଜ ଦେଇ କହିଥିଲେ ଯେ, “ଆମେ ମାଟିର ଦଳ, ଲୋକଙ୍କ ଦଳ। ଯେଉଁମାନେ ଓଡିଶାର ସ୍ୱାର୍ଥକୁ ଅନଦେଖା କରୁଛନ୍ତି, ସେମାନଙ୍କୁ ଆଗାମୀ ଦିନରେ ଲୋକେ ଉତ୍ତର ଦେବେ।” ଏହି କଥା ମାଧ୍ୟମରେ ସେ ପ୍ରଚଳିତ ଦଳଗୁଡ଼ିକୁ ସିଧାସଳଖ ଚ୍ୟାଲେଞ୍ଜ ଦେଇଛନ୍ତି।
ଓଡିଶା ଜନତା କଂଗ୍ରେସ ଆଗାମୀ ଦିନରେ ରାଜ୍ୟର ପ୍ରତ୍ୟେକ ଜିଲ୍ଲା ଓ ବ୍ଲକ୍ ସ୍ତରରେ ଦଳକୁ ସୁଦୃଢ଼ କରିବାର ଯୋଜନା ରଖିଛି। ଯୁବ ସମାଜ, କୃଷକ ଓ ମହିଳାମାନଙ୍କୁ ଆଗକୁ ଆଣି ଏକ ନୂଆ ରାଜନୈତିକ ପରିବେଶ ତିଆରି କରିବା ଦଳର ଲକ୍ଷ୍ୟ ବୋଲି ସମାବେଶରେ ଉଲ୍ଲେଖ ହୋଇଛି।
ସମାବେଶରେ ଦେଖାଯାଇଥିବା ଭିଡ଼ ଓ ଉତ୍ସାହ ଦେଖି ସ୍ପଷ୍ଟ ଯେ, ଓଡିଶାର ରାଜନୀତିରେ ଏହି ନୂଆ ଦଳ ଆଗାମୀ ଦିନରେ ଗୁରୁତ୍ୱପୂର୍ଣ୍ଣ ଭୂମିକା ନେବାକୁ ପ୍ରସ୍ତୁତି | ବ୍ୟୁରୋ ରିପୋର୍ଟ ଫଟୋ ନିୟୁଜ ଟାଇମ୍ସ।
