ପାଟଣାଗଡ଼ର ପର୍ଶୁରାମ ଛକକୁ ଭୈରବ ଛକ ନାମରେ ପ୍ରତିଷ୍ଠିତ କରିବା ପାଇଁ ବିଜେଡିର ପୂର୍ବତନ ବିଧାୟକ ସରୋଜ କୁମାର ମେହେର ଏବଂ ବର୍ତ୍ତମାନର ଦେବଗଡ଼ ବିଧାୟକ ରୋମାଞ୍ଚ ରଞ୍ଜନ ମିଶ୍ର ଅବଚେଷ୍ଟା କରିଥିଲେ। ସେମାନେ ଏଥିପାଇଁ ବିଜେଡ଼ି ଦଳର ଆନୁଗତ୍ୟ ପାଇ ଦଳୀୟ ଟିକେଟ ହାସଲ କରିଥିଲେ ଏବଂ ଦଳ ସେମାନଙ୍କ ପାଇଁ ଆଶାଠାରୁ ଅଧିକ ଅର୍ଥ ଖର୍ଚ୍ଚ କରିଥିଲା। କିନ୍ତୁ ସରୋଜ କୁମାର ମେହେର ପାଟଣାଗଡ଼ରୁ ପରାଜିତ ହେଲେ ଏବଂ ରୋମାଞ୍ଚ ରଞ୍ଜନ ଦେବଗଡରୁ ଜିତିକରି ବିଧାୟକ ହୋଇଛନ୍ତି। ରୋମାଞ୍ଚ ରଞ୍ଜନ ତାଙ୍କର ଏହି ଭୈରବ ଛକ କରିବାରେ ସହାୟତା କରିଥିବା ଯୋଗୁଁ ବିଜେଡ଼ିର ତତ୍କାଳୀନ “ଭୈରବ” ସଂଜୀବ ପ୍ରଧାନକୁ କାଟି ଶ୍ରୀ ରୋମାଞ୍ଚ କୁ ଟିକେଟ ଦେଇଥିଲେ ଏବଂ ଜିତିବା ପାଇଁ ସବୁ କୌଶଳ ଆପଣେଇ ଥିଲେ। ତାଙ୍କର ବିଶ୍ୱାସ ଥିଲା କି ପାଟଣାଗଡ଼ର ପର୍ଶୁରାମ ଛକ ଯାହାକି ବିଜୁ ଏକ୍ସପ୍ରେସ ହାଇୱେ ନିକଟରେ ଅଛି, ତାହା ହେବ ଓଡ଼ିଶାର ପ୍ରଥମ ଭୈରବ ଛକ। ପରିସ୍ଥିତିର ଚାପରେ ପଡି ଏବଂ ଜନ ଅସନ୍ତୋଷକୁ ସାମ୍ନା କରି ନପାରି ପ୍ରାୟ ୪ ବର୍ଷ ପୂର୍ବରୁ ଭୈରବ ପାଣ୍ଡିଆନ ଉକ୍ତ ସ୍ଥାନରେ ବିଜୂ ପଟନାୟକଙ୍କ ପ୍ରତିମୂର୍ତ୍ତି ସ୍ଥାପନ କଲେ। ପରବର୍ତ୍ତୀ ସମୟରେ ସେଠାରେ ପୁରାଣ ଯୁଗର ପର୍ଶୁରାମଙ୍କୁ ହଟାଯାଇ ଭୈରବଙ୍କ ପ୍ରତିମୂର୍ତ୍ତି ସ୍ଥାପନ କରାଯାଇଥାନ୍ତା। ଆଜି ପର୍ଯ୍ୟନ୍ତ ଓଡ଼ିଶାର ଜନନେତା ବିଜୁ ପଟନାୟକଙ୍କର ବିଶାଳ ପ୍ରତିମୂର୍ତ୍ତିରେ କଳାଜରୀ ଗୁଡ଼ାଯାଇ ଅଛି। ପାଟଣାଗଡ଼ ଜନ ସାଧାରଣ ଏହାକୁ ବରଦାସ କରିନାହାନ୍ତି। ଏଠାରେ ବିଜେଡ଼ି ଦଳର ପତନ ପାଇଁ ଏହା ଏକ କାରଣ ଅଟେ। ପୁର୍ଯ୍ୟପୂଜା ଏକ ଭଲ ପରମ୍ପରା କିନ୍ତୁ ପୌରାଣିକ ଯୁଗର ପର୍ଶୁରାମଙ୍କ ପୂଜା ସ୍ଥଳକୁ ସ୍ଥାନାନ୍ତରିତ କରି ବିଜୁ ବାବୁଙ୍କ ପ୍ରତିମୂର୍ତ୍ତି ଲଗାଇଵା ଠିକ ନୁହେଁ ଏବଂ ଏହା ବିଜେଡି ଦଳର ଅହଂକାର ଅଟେ। ଚଳିତ ନୂଆପଡାର ଉପ ନିର୍ବାଚନରେ ରୋମାଞ୍ଚ ରଞ୍ଜନ ମିଶ୍ର ଏବଂ ସରୋଜ କୁମାର ମେହେର ବିଜେଡ଼ି ଦଳ ପାଇଁ ପ୍ରଚାର ଓ ପ୍ରସାରରେ ନିଜକୁ ଆଗ ଧାଡିରେ ରଖିଛନ୍ତି। ଏହା କିନ୍ତୁ ବିଜେଡ଼ି କୁ କ୍ଷତି ପହଞ୍ଚାଉଛି। ରୋମାଞ୍ଚ ଏବଂ ସରୋଜଙ୍କର ଉପସ୍ଥିତି ଥିବା ସ୍ଥାନ ମାନଙ୍କରେ ବିଜେପିର ପୂର୍ବତନ ବିଧାୟକ ସୁବାସ ପାଣିଗ୍ରାହୀ ଏବଂ ବିଜେଡିର ପୂର୍ବତନ ବିଧାୟକ ସଂଜୀବ ପ୍ରଧାନ ସେମାନଙ୍କ ଅସଲ ଚେହେରାକୁ ଲୋକ ଲୋଚନାକୁ ଆଣୁଛନ୍ତି। ନୂଆପଡାରୁ ଫୋଟୋ ନ୍ୟୁଜ ଟାଇମ୍ସର ଏଡିଟର ଗିରିଧାରୀ ଲାଲ ଷଡ଼ଙ୍ଗୀ ଙ୍କ ରିପୋର୍ଟ।
