ମୁଁ ବର୍ଷା ସ୍ୱାଗତ କରୁଛି ଫଟୋ ନିୟୁଜ, ନିୟୁଜ ରୁମ କୁ।ଓଡିଶା ପୋଲିସ ର ଶୀର୍ଷ ପଦବୀକୁ ନେଇ ଚାଲିଛି ଜୋରଦାର ଚର୍ଚ୍ଚା। ଡିଜି ପଦବୀ ଦୌଡରେ କିଏ ଆଗରେ—ଏହି ପ୍ରଶ୍ନରେ ଏବେ ପ୍ରଶାସନିକ ମହଳରେ ତିବ୍ର ଉତ୍ସୁକତା। ଏହି ଦୌଡରେ ଏବେ ସବୁଠାରୁ ଆଗରେ ଯାହାଙ୍କ ନାମ ଆସୁଛି, ସେହେଲେ ଡ଼ ସୁଧାଂଶୁ ଷଢଙ୍ଗୀ।
ଜୁଲାଇ ୧୩, ୧୯୬୮ ରେ ଓଡିଶାର ଢେଙ୍କାନାଳ ଜିଲ୍ଲାରେ ଜନ୍ମ ନେଇଥିବା ଡ଼ ସୁଧାଂଶୁ ଷଢଙ୍ଗୀ ଛୋଟବେଳୁ ହିଁ ଏକ ଶୃଙ୍ଖଳାବଦ୍ଧ ଓ ଲକ୍ଷ୍ୟନିଷ୍ଠ ବ୍ୟକ୍ତିତ୍ୱ ଭାବେ ପରିଚିତ। କଟକର ରେଭେନ୍ସା କଲେଜରେ ପାଠ ପଢ଼ୁଥିବା ସମୟରୁ ହିଁ ସେ ନିଜକୁ ପୋଲିସ ସେବାରେ ଯୋଗଦେବା ପାଇଁ ପ୍ରସ୍ତୁତ କରିଥିଲେ। ପରେ ୧୯୯୦ ବ୍ୟାଚର ଓଡିଶା କ୍ୟାଡର ଆଇପିଏସ ଅଫିସର ଭାବେ ସେବାରେ ଯୋଗଦେଇ, ଦୀର୍ଘ ତିନି ଦଶକ ଧରି ବିଭିନ୍ନ ଗୁରୁଦାୟିତ୍ୱ ନିଭାଇଛନ୍ତି।
କମିଶନରେଟ ପୋଲିସର ଗୁରୁତ୍ୱପୂର୍ଣ୍ଣ ପଦବୀ—କଟକ ଓ ଭୁବନେଶ୍ୱରର ପୋଲିସ କମିଶନର ଭାବେ ତାଙ୍କର କାର୍ଯ୍ୟକାଳକୁ ଅନେକେ ସ୍ମରଣ କରନ୍ତି। କଠିନ ପରିସ୍ଥିତିରେ ଶାନ୍ତ ମନ ଓ କଡା ନିଷ୍ପତ୍ତି—ଏହି ଦୁଇର ସଠିକ୍ ସମନ୍ୱୟ ତାଙ୍କୁ ଏକ ଦକ୍ଷ ପ୍ରଶାସକ ଭାବେ ପରିଚିତ କରାଇଛି। ବର୍ତ୍ତମାନ ସେ ହୋମଗାର୍ଡ ଓ ଫାୟାର ସେବାର ଡିଜି ଭାବେ ଦାୟିତ୍ୱରେ ରହିଛନ୍ତି, ଯେଉଁଠି ସେ ଆପତ୍କାଳୀନ ସେବାକୁ ଆହୁରି ସୁଦୃଢ କରିବାରେ ଜୋର ଦେଉଛନ୍ତି।
୫୮ ବର୍ଷ ବୟସରେ ଥିବା ଡ଼ ଷଢଙ୍ଗୀଙ୍କର ଆଉ ଦୁଇ ବର୍ଷ ସେବାକାଳ ବାକି ରହିଛି। ଏହା ତାଙ୍କୁ ଡିଜି ପଦବୀ ପାଇଁ ଏକ ଶକ୍ତିଶାଳୀ ଦାବେଦାର କରିଛି। ଅନୁଭବ, ପ୍ରଶାସନିକ କୌଶଳ ଓ ନେତୃତ୍ୱ—ଏହି ତିନୋଟି ମାନଦଣ୍ଡରେ ସେ ଅନ୍ୟମାନଙ୍କୁ ପଛେଇ ଦେଉଛନ୍ତି ବୋଲି ଚର୍ଚ୍ଚା ଚାଲିଛି।
ତେବେ ଡ଼ ସୁଧାଂଶୁ ଷଢଙ୍ଗୀଙ୍କର ଅନ୍ୟ ଏକ ମୁହଁ ମଧ୍ୟ ରହିଛି—ସେ ହେଉଛନ୍ତି ପରିବାରମୁଖୀ ବ୍ୟକ୍ତିତ୍ୱ। ସାଧାରଣତଃ ପୋଲିସ ଚାକିରୀରେ ରହୁଥିବା ଅଧିକାରୀମାନେ ପରିବାରକୁ ସମୟ ଦେଇପାରନ୍ତି ନାହିଁ। କିନ୍ତୁ ଡ଼ ଷଢଙ୍ଗୀ ଏହି ଧାରଣାକୁ ଭୁଲ ସାବ୍ୟସ୍ତ କରିଛନ୍ତି। ବ୍ୟସ୍ତ ଚାକିରୀ ସତ୍ତ୍ୱେ ମଧ୍ୟ ସେ ପରିବାର ସହିତ ସମୟ କାଟିବାକୁ ଗୁରୁତ୍ୱ ଦେଇଥାନ୍ତି ବୋଲି ସେ ଗଣମାଧ୍ୟମ ଆଗରେ କହିଛନ୍ତି।
ଏମିତିକି ସେ ମଜାକିଆ ଢଙ୍ଗରେ କୁହନ୍ତି—“ଜଣେ ଭଲ ସ୍ୱାମୀ ହେବାକୁ ହେଲେ ଭଲ ରୋଷେଇ କରିପାରିବା ଦରକାର।” ଏହି କଥା ତାଙ୍କର ସରଳତା ଓ ମାନବିକ ମନୋଭାବକୁ ପ୍ରକାଶ କରେ।
ସମସ୍ତ ଦିଗରୁ ଦେଖିଲେ, ଡ଼ ସୁଧାଂଶୁ ଷଢଙ୍ଗୀ ଏବେ ଓଡିଶା ପୋଲିସର ଡିଜି ପଦବୀ ପାଇଁ ଏକ ମୁଖ୍ୟ ମୁହଁ ଭାବେ ଉଭୟ ପ୍ରଶାସନ ଓ ସାଧାରଣ ଲୋକଙ୍କ ମଧ୍ୟରେ ଚର୍ଚ୍ଚାରେ ରହିଛନ୍ତି। ତେବେ ଶେଷ ନିଷ୍ପତ୍ତି କାହା ପକ୍ଷରେ ଯିବ—ସେଥିପାଇଁ ସମସ୍ତଙ୍କ ନଜର ରହିଛି।
ଭୁବନେଶ୍ୱର ରୁ ଦୁର୍ଗା ମହଲା ଙ୍କ ରିପୋର୍ଟ ଫୋଟୋ ନିୟୁଜ ଟାଇମ |
